O Porriño súmase á conmemoración do Día Mundial da Diabetes

O vindeiro sábado 14 conmemórase o Día Mundial da Diabetes e coa ocasión desta efeméride, o Concello do Porriño, a través da Concellería de Cultura, colaborará con ANEDIA (Asociación de Nenos, Nenas e Xente Nova con Diabetes en Galicia) nunha acción informativa que terá lugar no Centro Cultural Municipal.

No vestíbulo do Centro Cultural proxectarase un vídeo para dar a coñecer as causas, os síntomas, o tratamento e as complicacións asociadas á enfermidade. Ao coincidir a celebración en sábado, o vídeo proxectarase nos días próximos a esta data.

“O Día Mundial da Diabetes lémbranos que a incidencia desta patoloxía áchase en aumento e continuará esta tendencia a non ser que emprendamos accións de prevención”, manifestou Cami Moreira, concelleira responsable de Cultura.

Scheduled O Porriño