21.5 C
Pontevedra
Venres, 27 de Maio de 2022
Máis
    HomeLouriñaO PorriñoO Porriño impulsa a reciclaxe de envases de vidrio entre a hostalería

    O Porriño impulsa a reciclaxe de envases de vidrio entre a hostalería

    O Concello do Porriño, coa colaboración de Ecovidrio, pon en marcha este mes de abril unha campaña para impulsar a reciclaxe de envases de vidro no sector hostaleiro da localidade.

    A iniciativa, nunha primeira fase, comezará o vindeiro martes, 19 de abril,  coa realización de enquisas e entrevistas a todos os establecementos de hostalería da vila para coñecer de primeira man cales son as súas necesidades e poder adecuar os recursos existentes. Ademais, ofrécese información detallada aos locais de como reciclar correctamente e das vantaxes sociais, económicas e medioambientais que ten a reciclaxe de envases de vidro.

    Nunha segunda fase, e para facilitar a reciclaxe de vidro na canle Horeca (Hostelería, Restauración e Catering), actuarase sobre os contedores existentes e instalaranse iglúes especiais dotados cunha boca máis ancha para un baleirado máis rápido e algúns deles incluirán un sistema de elevación hidráulica que permite a reciclaxe de grandes cantidades de vidro como as xeradas polos hostaleiros. Tamén se entregarán cubos adaptados con rodas para facilitar o transporte dos residuos de vidro aos contedores.

    Para levar adiante esta iniciativa, poñerase en marcha un traballo de campo con visitas persoais aos hostaleiros para reforzar o coñecemento da lexislación en vigor para o sector dos grandes xeradores en materia de reciclaxe de envases de vidro. Da mesma maneira, preténdese lograr un incremento maior da taxa de reciclaxe de vidro no concello que actualmente se sitúa nos 15 kg/hab/ano, unha cifra lixeiramente por debaixo da media provincial e galega.

    O sector da hostalería e a restauración consume preto do 52% dos envases de vidro dun solo uso que se producen en España.

    “O vidro que se deposita nos contedores recíclase ao 100% e utilízase para a fabricación de novos envases, de forma indefinida e sen perder as propiedades orixinais”, explicou a concelleira de Medio Ambiente, Antía Carrera, “Reciclando vidro evitamos o crecemento dos vertedoiros”.

    Pola súa banda, o alcalde, Alejandro Lorenzo, apuntou que “reciclar vidro é un elemento clave na loita contra o cambio climático. Ao usar calcín -vidro reciclado- na fabricación de novos envases, evítase a extracción de materias primas da natureza, evitando a erosión dos chans e a deforestación. Ademais de minimizarse a emisión de CO2 e aforrar enerxía”.  

    COLABORACIÓNS

    Diego Giráldez, «O meu sangue»

    Diego Giráldez regresa cunha novela bastante peculiar, que ben poderiamos considerar unha parodia do xénero negro levada a tal extremo que a piques está de se converter en si mesma nunha novela negra.

    ¡El mago de la electrónica, ha muerto!

    El personaje de la portada, es probable que a muchos lectores no le suene, quizás algunos al ver los cachibaches que está utilizando, se puedan hacer una pequeña idea, pero los seguidores de la música electrónica clásica y el Krautrock, seguro que si lo conocen perfectamente. Estamos hablando del mago de la electrónica, uno de esos pioneros que elevaron este estilo musical y la forma de hacer música al grado de celestial. Esta semana nos ha dejado el gran e inigualable, Klaus Schulze.

    Ledicia Costas, «O neno de lume»

    Ledicia Costas ten unha imaxinación poderosa e unha rara habilidade para a construción do que poderiamos chamar «relato marabilloso», ese que mistura realidade e fantasía, no que conviven persoas do común con seres sobrenaturais dotados de habilidades especiais.

    Mamá

    Cuatro letras de una de las palabras que primero aprendemos, que más pronunciamos a lo largo de nuestra vida y que más seguridad nos transmite.

    Colaboradores

    Alberto Aliaga Sola
    19 POSTS0 COMMENTS
    Bea Sanfa
    12 POSTS0 COMMENTS
    Manrique Fernández
    64 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS