O Porriño distribúe 80 novos composteiros individuais

A praza Arquitecto Antonio Palacios contou cun stand onde se recolleron as solicitudes das persoas interesadas e desenvolveuse unha acción formativa sobre a compostaxe

O Concello do Porriño distribuirá, próximamente, un total de oitenta composteiros individuais para vivendas unifamiliares de cara a para estender a compostaxe no municipio. Na mañá de onte, persoal do «Plan Revitaliza» da Deputación Provincial fixo unha acción informativa e de recollida de solicitudes de composteiros, a través dun stand que montou na praza Arquitecto Antonio Palacios en colaboración co Concello.

Sergio Casal, concelleiro de Medio Ambiente compartiu cos mestres composteiros as explicacións ós interesados en coñecer as vantaxes da compostaxe.

O compost converte os restos de comida e vexetais en fertilizante natural. Para compostar é preciso mesturar o lixo orgánico con restos leñosos e secos de podas, serraduras, follas… A transformación pódese realizar en calquera casa ou zona comunitaria mediante un composteiro, sen ningún tipo de mecanismo nin gasto de mantemento. Non esixe máis que o desexo de facelo e, en tempo, uns dez minutos á semana.

O lixo diario que se xera nos fogares contén un 53 % de materia orgánica que pode ser reciclada e retornada á terra en forma de humus para plantas e cultivos. De cada 100 quilos de lixo orgánico obtéñense entre 10 e 15 quilos de compost.

Por outra banda, o Concello do Porriño tamén se acolle a compostaxe coa biotrituración dos restos das campañas de limpeza forestal e desbroce que se están a realizar. A biotrituraciñon realizouse en Cataboi en colaboración co «Plan Revitaliza»