O vindeiro 28 de xuño o mundo conmemora o Día do Orgullo LGTBIQ+ e O Porriño súmase un ano máis á celebración. Dentro do programa de actos que se fará público nos vindeiros días convócase o I Concurso de Drag Queen do Porriño Orgulloso, que premiará aos tres mellores drags.
Poderán participar neste certame todas as persoas que teñan cumpridos os 18 anos antes da celebración do acto e que se inscriban previamente. As inscricións poderán presentarse de modo presencial no Rexistro Xeral do Concello do Porriño (de luns a venres de 9 a 14 h) ou de xeito telemático, a través da sede electrónica do Concello do Porriño mediante instancia xenérica. O prazo de inscrición estará aberto ata o día 23 de xuño.
O xurado valorará, á hora de puntuar, a creatividade, orixinalidade, elaboración do vestido e interpretación e a posta en escena e en base a isto, determinará cales son os tres Drags premiados con 500 euros para o primeiro (Drag Queen do Porriño Orgulloso 2023), 300 para segundo clasificado e 200 para o segundo.
As bases poden consultarse xa na seguinte ligazón: https://ecultura.net/dia-do-porrino-orgulloso-concurso-drag-queen-do-porrino-orgulloso-2023/
