O Concello do Porriño iniciou a fase informativa do proxecto sobre mocidade e cambio climático, unha iniciativa que se desenvolve ao abeiro do Programa de Desenvolvemento das Capacidades da Mocidade, xestinado directamente pola Comisión Europea e que conta cun orzamento de 150.000 euros.
O proxecto internacional liderado polo Concello de Porriño e que foi explicado aos colextivos ‘Asociación de Amas de Casa As Mimosas‘ de Carracido; Centro Cultural de Carracido e representantes da entidade local menor de Chenlo, Casal Chan Budiño e San Xurxo de Mosende “inclúe accións de capacitación con cursos, seminarios e campamentos formativos, e accións de mobilidade coa organización de eventos no Porriño e nos países participantes que son Portugal, Cabo Verde e Mozambique”, segundo explicou Lourdes Moure, concelleira de Educación e Fondos Europeos.
Moure presidiu esta primeira reunión de traballo que foi convocada a través da Oficina Municipal de Información Xuvenil (OMIX) e coa colaboración do profesor Amador Ordóñez, director deste proxecto no que, amais do Concello do Porriño participan as ONG’s ASPEA (Asociación Portuguesa de Protección Ambiental) e a mozambiqueña ASEJANA (Asociación para a Xuventude e Educación de Adultos de Nampula). Tamén o centro de ensino porriñés IES Ribeira do Louro en representación da Consellería de Ediucación da Xunta de Galicia e finalmente a Universidade de Cabo Verde.
O proxecto denominado EYFEC (Empowering Youth for Facilitating Ecological Transition) ten como obxectivo empoderar á mocedade e ás institucións públicas e ás ONG’s como axentes de cambio para o desenvolvemento ambiental sostible, obxetivo que cobra especial importancia no contexto actual de crise económica provocada pola pandemia sanitaria.
