19.7 C
Pontevedra
Sábado, 8 de Outubro de 2022
Máis
    HomeLouriñaO PorriñoO comité de Maderas Iglesias asegura que o conselleiro de Industria "non...

    O comité de Maderas Iglesias asegura que o conselleiro de Industria “non concreta as supostas xestións” realizadas para salvar a empresa

    Unha representación do comité de Maderas Iglesias, empresa do Porriño que atravesa unha situación crítica que ameaza a súa supervivencia, estivo presente antonte durante o debate da proposición non de lei presentada polo BNG no Parlamento galego na que se instaba a Xunta a apoiar as demandas do cadro de persoal e a colaborar nas actuacións dirixidas a garantir a continuidade da empresa e dos postos de traballo.

    Tamén se reclamaba que o vicepresidente da Xunta e conselleiro de Industria reciba ao comité de empresa no prazo de tempo máis breve posíbel, así como a creación dunha mesa de negociación coa propiedade e coa representación das traballadoras/es para estudar a viabilidade da continuidade da compañía negociando a entrada de inversores externos.

    O responsábel autonómico respondeu que se están a facer xestións para intentar salvar a empresa, aínda que non ofreceu ningún detalle, ao tempo que lembrou que a Xunta “xa apoiou a empresa en anos anteriores”. Unha das últimas esixencias do Goberno galego para apostar por Maderas Iglesias era a presentación dun plan de viabilidade, que a representación do cadro de persoal continúa sen recibir a día de hoxe.

    Ademais, dende o comité explican que o pasado luns tivo lugar unha xuntanza entre o Igape, un suposto grupo inversor interesado en Maderas Iglesias e os bancos cos que a empresa mantén unha débeda de 35 millóns de euros. “Din que van a seguir coas conversas, pero non sabemos nada máis. O único que sabemos é que a día de hoxe segue sen concretarse a reunión entre todas as partes: comité, Igape, empresa, bancos, alcaldes e grupo inversor”.

    Por outra banda, o BNG tramitou tamén unha pregunta para a súa contestación na comisión de Industria para que a Xunta faga públicas as xestións que realizou para favorecer a viabilidade da empresa e que aclare se participou nas negociacións para a entrada de posíbeis inversores. En caso positivo, demandan que explique cales foron os resultados, así como que adiante que actuacións vai levar a cabo para defender os 148 postos de traballo actuais.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS