16.6 C
Pontevedra
Venres, 14 de Xuño de 2024
Máis
    HomeLouriñaO PorriñoLorenzo conectará cada casa das parroquias do Porriño ao saneamento nos vindeiros...

    Lorenzo conectará cada casa das parroquias do Porriño ao saneamento nos vindeiros 4 anos

    Conectar cada vivenda do Porriño á rede pública de saneamento foi e seguirá sendo a prioridade de Alejandro Lorenzo. Así o reiterou o candidato dos populares nos diferentes encontros coa veciñanza da parroquia, nos que se comprometeu públicamente a “completar a rede de saneamento nos próximos catro anos”.

     “Como veciño dunha das parroquias sei da necesidade de dispoñer deste servizo e do perxuízo que non telo supón para unha gran parte da nosa veciñanza”, explicou Lorenzo, “Hai catro anos non podía comprometerme a rematalo, estaría mentindo á xente se o fixera, pero tras este ano de traballo duro no que recabamos inversións e elaboramos o Plan Municipal para o Saneamento Integral, sí podo facelo e o fago. Nos próximos catro anos todas as vivendas do Porriño estarán conectadas ao saneamento”.

    A folla de ruta marcada polo equipo de Lorenzo no Plan Municipal para o Saneamento Integral contempla proxectos para todas as parroquias e unha planificación económica e temporal para a súa execución. Así, son moitos os proxectos que están aprobados e licitados e moitos outros en redacción para sacalos a contratación, o que permitirá avanzar sen máis dilacións na execución da rede.

    “Sei que esta é unha das principais necesidades do Porriño e da veciñanza das parroquias, que paga os seus impostos e contribúe como calquera outro veciño e non ten garantizados os servizos aos que ten dereito”, continuou Lorenzo, “Non era de recibo que sendo O Porriño o concello que máis aporta ao Consorcio e que o preside fora o que máis saneamento lle queda por acometer. Por iso establecemos que o criterio do reparto das contías a investir en cada municipio dos que o conforma se resolva en función de cada un deles nos ingresos do Consorcio, tal e como establecen os seus estatutos”.

    Así, conseguiuse unha inversión do Consorcio máis de 1,5 M de euros que se destinarán a acometer proxecto e obras de saneamento nas sete parroquias. “É viable conseguir financiación e petaremos a todas as portas que sexa necesario para facelo. Temos proxecto e capacidade de xestión, o faremos”, concluíu Lorenzo.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.