A Concellería de Igualdade do Concello do Porriño organiza, un ano máis, o Campamento de Verán 2023 co fin de facilitar a conciliación familiar. A actividade está dirixida a rapaces do municipio de entre 3 e 12 anos e enfocada na aprendizaxe, formación e ocio para eles.
Este ano desenvolverase entre o 3 de xullo e o 11 de agosto en quendas de dúas semanas cada unha. O prazo de inscrición abrirase o vindeiro luns 29 de maio ás 9 h e pecharase o 2 de xuño ás 21 h e poderá formalizarse presencialmente por rexistro ou on line a través da sede electrónica do Concello.
As follas de inscrición, requisitos e baremo subiranse á páxina oficial do Concello e poderanse recoller en rexistro a partir do vindeiro venres 25 de maio.
Esta actividade está financiada pola Concellería de Promoción do Emprego e Igualdade da Xunta de Galicia e Ministerio de Igualdade.
