7.6 C
Pontevedra
Venres, 29 de Marzo de 2024
Máis
    HomeLouriñaO PorriñoComeza o II Concurso infantil de postais de Nadal do Porriño

    Comeza o II Concurso infantil de postais de Nadal do Porriño

    A Concellería de Educación e Normalización Lingüística do Porriño, que dirixe Carolina González, convoca o II Concurso Infantil de Postais de Nadal 2022.

    Por segundo ano consecutivo, o Servizo de Normalización Lingüística do Porriño organiza este certame co obxectivo de que as/os máis pequenas/os feliciten as festas do Nadal a toda a cidadanía porriñesa mediante a creación dunha postal decorativa, cunha mensaxe positiva creada en lingua galega. Con esta actividade, ademais de que as nenas e nenos demostren a súa creatividade artística, o Concello do Porriño busca dinamizar o uso da lingua galega nun grupo de idade clave para o fomento dos hábitos lingüísticos.

    Poderán participar nenas e nenos con idades comprendidas entre os 3 e os 14 anos a través de postais orixinais e inéditas escritas en lingua galega. Estas poderanse entregar do 10 ao 24 de decembro de 2022 na Caixa de devolución de libros da Biblioteca Municipal do Porriño, sita no exterior do Centro Cultural Municipal.

    Establécense 3 categorías de premios, con tres premios por cada categoría, consistentes en lotes de material escolar. A entrega de premios efectuarase o 3 de xaneiro de 2023 no Centro Cultural Municipal.

    As bases pódense consultar xa no blog do Servizo de Normalización Lingüística do Concello do Porriño: https://normalizacionlinguisticaoporrino.wordpress.com/.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.