16 C
Pontevedra
Martes, 21 de Maio de 2024
Máis
    HomeLouriñaO PorriñoA Axenda Urbana do Porriño avanza no seu marco estratéxico tras identificar...

    A Axenda Urbana do Porriño avanza no seu marco estratéxico tras identificar os principais retos do municipio

    O proceso participativo estivo formado por diversas mesas de traballo de técnicos municipais, grupos políticos, e axentes sociais e económicos, ademais dunha enquisa entre a cidadanía

    A Axenda Urbana e Rural do Porriño avanza na definición do seu marco estratéxico logo da identificación dos principais retos do municipio. “O proceso participativo concluíu coa cunha ampla participación da veciñanza na enquisa e coa celebración de cinco mesas nas que participaron os técnicos e traballadores municipais, grupos políticos, axentes sociais, medioambientais e económicos”, explicou o alcalde, Alejandro Lorenzo, “Entramos xa na seguinte fase, na que se elaborará o marco estratéxico e o conseguinte Plan de Acción de maneira participada con todos os axentes do territorio, asegurando desta maneira que o documento final sexa un reflexo das capacidades e necesidades colectivas do Porriño”.

    O rexedor mostrouse agradecido do alto grado de participación dos/as porriñeses/as, que mostraron a súa opinión a través do cuestionario online que estivo dispoñible na páxina web da Axenda Urbana. “Demostra o compromiso da veciñanza co seu pobo, algo clave para alcanzar os obxectivos que nos propostos e construír entre todos un Porriño máis cohesionado e cun futuro sostible”, concluíu Lorenzo.

    A veciñanza define os retos do Porriño

    O fomento da mobilidade peonil e ciclista entre O Porriño e Torneiros e a reducción do impacto do paso do tren polo centro urbano, son algunhas das necesidades que os/as porriñeses/as consideran prioritarias, segundo conclúe o proceso participativo, impulsado polo Concello do Porriño, vencellado ao deseño do documento.

    A fase de Diagnóstico detectou outros retos priorizados pola veciñanza, como a necesidade de impulsar o uso do transporte colectivo nos desprazamentos coa área metropolitana, que inclúa a conexión dos núcleos rurais, ou a rexeneración ambiental das Gándaras de Budiño e dos ríos Louro e Couso para poñer en valor o patrimonio natural do Porriño.

    Outra das prioridades destacadas pola cidadanía é a consolidación dunha rede de saneamento e abastecemento que dea cobertura a todo o municipio.

    A ollada da diagnose tamén se centrou no eido social, e neste ámbito os/as porriñeses/as poñen o foco na reducción da vulnerabilidade da poboación e das desigualdades sociais.

    No tocante ao desenvolvemento industrial concluíuse que un dos retos a fixar é impulsar a competitividade exterior e innovación apoiándose nos centros tecnolóxicos como o CTAG; AIMEN e o Centro Tecnolóxico do Granito.

    Axenda Urbana e Rural do Porriño

    A Axenda Urbana e Rural do municipio inclúe tres fases: o diagnóstico, o marco estratéxico e o plan de acción. Ademais van acompañadas dun proceso transversal de participación cidadá.

    A finalización da primeira fase conclúe cun conxunto de retos que foron priorizados no proceso participativo.

    Agora estáse a traballar na definición do marco estratéxico que vai definir as liñas estratéxicas e as accións. Este proceso vai permitir dar resposta ás necesidades identificadas para lograr un Porriño inclusivo, integrado, resiliente e sustentable.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.