Sábado, 15 Febreiro de 2025

Curso de carretillas elevadoras en Mos: prazas limitadas e formación bonificable

A Asociación de Empresarios de Mos (AEMOS) anuncia a realización dun curso de Operador de Carretillas Elevadoras, dirixido a formar e actualizar profesionais no manexo seguro e eficiente desta maquinaria, conforme á Norma UNE 58451.

O curso ofrece dúas opcións adaptadas ao nivel de experiencia dos participantes:

  • Formación de Iniciación (12 horas): Pensada para persoas sen experiencia previa, combina teoría e práctica para garantir unha base sólida en seguridade operativa.
  • Formación de Actualización (8 horas): Dirixida a profesionais con experiencia ou formación previa, para renovar e actualizar os seus coñecementos segundo as esixencias normativas actuais.

O curso é bonificable mediante a Fundación Estatal para a Formación no Emprego (FUNDAE), permitindo ás empresas subvencionar a formación dos seus traballadores a través das cotizacións á Seguridade Social. AEMOS encargarase da xestión do crédito formativo para facilitar o acceso a esta capacitación.

O curso, de carácter presencial, impartirase no Vivero PEMOS e nas instalacións de DALOT. Debido á súa natureza práctica, as prazas son limitadas para garantir unha atención personalizada e unha formación de calidade. As persoas interesadas poden reservar a súa praza a través da web: https://escuelaeme.com/portfolio/operador-de-carretillas-elevadoras/.