Un home perdeu a vida esta tarde tras sufrir unha saída de vía en Tui.
O sinistro produciuse na A-55, concretamente no punto quilométrico 26, ao fío das 17:20 horas de onte.
Foron varias as persoas particulares que contactaron co 112 Galicia para alertar da gravidade da situación na que se atopaba o condutor do coche accidentado e, acto seguido, os xestores do Centro Integrado de Atención ás Emerxencias (CIAE) 112 Galicia deron conta do sinistro a Urxencias Sanitarias de Galicia-061, aos Bombeiros do Baixo Miño, á Garda Civil de Tráfico, á Policía Local, á Agrupación de Voluntarios de Protección Civil de Tui e ao servizo de mantemento da autovía.
Desafortunadamente, segundo a información facilitada ao 112 Galicia polos servizos sanitarios, o condutor do turismo faleceu no traslado antes da chegada ao centro hospitalario.