10.4 C
Pontevedra
Xoves, 28 de Marzo de 2024
Máis
    HomeBaixo MiñoTuiTui, un dos 15 concellos que participa en 'Únete ao Reto' de...

    Tui, un dos 15 concellos que participa en ‘Únete ao Reto’ de Ecoembes

    Aumentan os colectores de recollida selectiva con 5 novos contedores de papel e 12 de envases

    O Concello de Tui recibiu hai uns días de Ecoembes novos colectores para a recollida selectiva. En concreto foron 12 colectores amarelos para envases, e 5 para a recollida de papel e cartón. Deste xeito o concello de Tui segue a ampliar o número de colectores dispoñibles para a recollida selectiva tanto no centro urbano coma nas parroquias.

    Precisamente Tui é un dos 15 concellos concellos que participan na campaña de incentivo da reciclaxe “Únete ao reto”. O obxectivo é entre o 1 de febreiro ao 30 de abril, mellorar, cando menos, nun 10% a achega ao contedor amarelo (envases de plástico, latas e briks) respecto ao mesmo período do ano pasado. Aqueles concellos que consigan este obxectivo lograrán un premio dotado con 2.000 euros que terán doar a unha causa social local da súa elección.

    A entidade sen ánimo de lucro Ecoembes xestiona a recuperación e a reciclaxe dos envases de plástico, as latas e os briks (contedor amarelo) e os envases de cartón e papel (contedor azul) en toda España.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.