13.3 C
Pontevedra
Martes, 21 de Maio de 2024
Máis
    HomeBaixo MiñoTuiTui transforma a Corredoira nun Mercado Sustentable de Nadal

    Tui transforma a Corredoira nun Mercado Sustentable de Nadal

    Será inaugurado mañá xoves ás 19 h até o domingo contará con 40 postos, unha ludoteca infantil e actuacións musicais.

    Unha coidada ambientación inspirada nos mercados que se celebran en Centroeuropa será a que luza dende este xoves no Mercado Sustentable de Nadal que se vai celebrar no Paseo da Corredoira de Tui. Este céntrico Paseo acollerá os preto de 40 postos de madeira con carpa tipo ‘jaima’ e iluminación nos que se ofrecerá unha ampla variedade de produtos vinculados ao Nadal. Na decoración apóstase tamén pola reciclaxe, xa que se empregan restos das podas de árbores.

    No Mercado Sustentable de Nadal poderemos atopar dende obxectos de agasallo, adornos, plantas, artesanía, xoiería, marroquinería, téxtil,… A gastronomía será outro dos atractivos destacado do evento xa que contará con distintos postos onde se poderán degustar viño quente, churros, crepes, chocolate, mazás caramelizadas… Amais o sábado ás 12 h está previsto un obradoiro de Menú Saudable de Nadal coa nutricionista Laura Rial no que se elaborará un aperitivo, un prato principal e unha sobremesa. 

    A inauguración do Mercado está prevista para o xoves, 5 de decembro, ás 19 h. A partir de aí comeza un amplo programa de actividades que até o domingo contempla actuacións musicais e unha ludoteca infantil. O venres, sábado e domingo os postos abrirán de 11 a 14 h e de 17 a 21 h. Os tres días contarase cunha Ludoteca Infantil en horario de 11.30 h a 14 h e de 17 a 20.30 h no que os nenos e nenas presentando un tícket de compra do comercio local poderán participar en obradoiros de reciclaxe, cociña, actividades creativas, espectáculos de maxia.

    O xoves tras a inauguración actuará a Banda de Gaitas ‘Lembranzas da Terra’ da Guillarei. O venres están previstas dúas actividades ao abeiro do programa Anima Eurocidade desenvolvido xunto con Valença e que conta cofinanciamento da Agrupación Europea de Cooperación Territorial Galicia-Norte de Portugal (GNP, AECT) – INTERREG VA.  Ás 18.30 h actuará a charanga Cantos Somos e ás 19.15 h será a quenda do Abominavel trío das Neves. Posteriormente ás 20 h grupo Inquedanzas da Asociación Aloia de Pazos de Reis.

    O sábado actuarán Tokelau e a charanga A Tu Ritmo dentro de AnimaEurocidade, e o grupo O Mosteiro de Pexegueiro. Xa o domingo será a quenda do grupo folclórico Xuntanza de Randufe e do grupo de pandereteiras As Dabadía de Caldelas así coma dentro de Anima Eurocidade do Quarteto Accompagnato e da charanga A Tu Ritmo”.

    Restricións no tráfico

    Debido á celebración do Mercado Sustentable de Nadal o Paseo da Corredoira, dende o cruzamento coa rúa Rosa Bahamonde até o cruzamento coa rúa Ordóñez, pecharase ao tráfico dende hoxe mércores, 4 de decembro, ás 22 h até o domingo, 8 de decembro, ás 23:59 h.

    Horario de apertura:

    • Xoves de 19 a 21h
    • Venres, sábado e domingo de 11.00 h a 14.00 h e de 17.00 h a 21.00 h

    Ludoteca infantil

    Venres, sábado e domingo de 11.30 h a 14.00 h e de 17.00 h a 20.30 h con obradoiros de reciclaxe, cociña, actividades creativas, espectáculos de maxia… Acceso con tícket de compra do comercio local

    Xoves, 5 de decembro de 2019

    • Ás 19 h no Paseo da Corredoira inauguración
    • Animación na rúa
      • Ás 20 h no Paseo da Corredoira actuación da Banda de Gaitas “Lembranzas da Terra” da Asociación Lembranzas de Guillarei

    Venres, 6 de decembro de 2019

    • Anima Eurocidade
      • Ás 18.30 h actuación da charanga Cantos Somos
      • Ás 19.15 h actuación de O Abominavel trío das Neves
    • Animación na rúa
      • Ás 20.00 h actuación do grupo Inquedanzas da Asociación Aloia de Pazos de Reis.

    Sábado, 7 de decembro

    • Ás 12.00 h Obradoiro de Menú Saudable de Nadal coa nutricionista Laura Rial. Elaboración dun aperitivo, prato principal e sobremesa. 
    • Anima Eurocidade
      • Ás 18.30 h actuación de Trío Tokelau
      • Ás 19.15 h actuación da charanga A Tu Ritmo
    • Animación na rúa
      • Ás 20:00h actuación do grupo O Mosteiro da Asociación O Mosteiro de Pexegueiro

    Domingo, 8 de decembro

    • Ás 13.00 h Animación na rúa. Actuación do grupo folclórico Xuntanza da Asociación Xuntanza de Randufe
    • Ás 18.30 h Anima Eurocidade. Actuación do Quarteto Accompagnato
    • Ás 19:15 h Anima Eurocidade. Actuación da charanga A Tu Ritmo”
    • Ás 20:00 h Animación na rúa. Actuación do grupo de pandereteiras As Dabadía da Asociación A Ínsua de Caldelas.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.