14.2 C
Pontevedra
Venres, 24 de Maio de 2024
Máis
    HomeBaixo MiñoTuiTui lembra a Rosalía de Castro con diversas actividades

    Tui lembra a Rosalía de Castro con diversas actividades

    Un obradoiro, a difusión da obra poética de Rosalía de Castro, e o Caldo de Gloria en restaurantes locais centran a celebración do Día de Rosalía en Tui.

    O Concello de Tui súmase un ano máis a esta conmemoración, tal e coma recolle o acordo plenario adoptado pola corporación en 2013.

    Así entre as actividades preparadas dende a Concellería de Cultura, a través da Biblioteca Municipal, está este xoves, 23 de febreiro, ás 18.30 h na Biblioteca Municipal o proxecto “Rosalía total” a cargo da artista miñorana Irene Silva cun obradoiro cun xogo poético con versos de Rosalía interpretaremos poemas a ritmo de rap, música tradicional, rock… A actividade vai dirixida a público infantil. As persoas que desexen participar deben inscribirse previamente na propia Biblioteca Municipal ou no correo biblioteca@tui.gal.

    Poemas de Rosalía recóllense nas lonas que esta semana se colocaran na fachada do edificio Francisco Sánchez, e na Praza da Inmaculada, contribuíndo así a difusión da obra poética da autora.

    A concelleira de Cultura, Sonsoles Vicente, explica que nunha nova ocasión dende o Concello foméntase a participación na iniciativa  impulsada dende a Fundación Rosalía de Castro, denominada o “Caldo de gloria”. Esta actividade xorde a partir do poema “Miña casiña, meu lar” (Follas novas, 1880), no que unha muller pobre que chega á casa mollada e esfameada, a pesar de que carece de todo, consegue o milagre da supervivencia: facer un humilde caldo de gloria e un bolo do pote, quentarse ó pé do lume e ser feliz. Dende a Fundación Rosalía de Castro sinalan que “Queremos que Galicia, lembre a Rosalía no seu día compartindo en lugares públicos ou no ambiente familiar este “caldo de gloria” dos humildes, un caldo para celebrar tamén a nosa cultura gastronómica popular”.

    Así en Tui nas datas arredor do xoves, 23 de febreiro, súmanse á iniciativa de ofrecer este “Caldo de Gloria” o Restaurante El Molino e o Restaurante Cruceiro do Monte.

    O xoves 23 de febreiro, Día de Rosalía, conmemórase o 186 aniversario do nacemento da escritora máis representativa e reivindicativa de Galicia pola súa defensa do pobo e da lingua. O seu libro Cantares Gallegos sinala o inicio da restauración do uso escrito da nosa lingua e o final dos Séculos Escuros de silencio e esquecemento. A súa obra é un retrato do pobo galego e goza dunha total actualidade.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.