22.5 C
Pontevedra
Luns, 15 de Abril de 2024
Máis
    HomeBaixo MiñoTuiRodrigo Buján recibiu o premio do IV Concurso de microrrelatos da Red...

    Rodrigo Buján recibiu o premio do IV Concurso de microrrelatos da Red de Juderías de España

    O alumno de 2º da ESO do Colexio Santa María – Maristas de Tui, Rodrigo Buján Fernández, foi seleccionado como un dos gañadores do IV Concurso de microrrelatos convocado pola Red de Juderías de España entre os alumnos de 1º e 2º de educación secundaria de toda España.

    Esta mañá tivo lugar no Salón de Plenos da Casa do Concello de Tui un sinxelo acto de entrega do diploma que o acredita como gañador deste certame e dun agasallo enviado pola Red de Juderías. O alcalde tudense, Enrique Cabaleiro, acompañado das concelleiras Sonsoles Vicente e Ana Núñez, foi o encargado da entrega deste galardón a Rodrígo Buján Fernández, que estivo acompañado polo director do Colexio Santa María – Maristas e os seus familiares.

    Esta cuarta edición do concurso de microrrelatos ‘Benjamín de Sefarad’, enmarcada no proxecto educativo homónimo da Red de Juderías de España, estaba dirixido a escolares españois co obxectivo de promover entre eles o coñecemento do legado xudeu do noso país.

    Neste caso, Rodrigo Buján recibiu unha mención especial que lle da dereito a que o seu relato apareza na publicación realizada pola Red de Juderías de España na que se seleccionaron os 30 mellores relatos presentados a este certame. A temática dos microrrelatos desta edición foi a música, contando para a valoración dos traballos presentados cun xurado de excepción, presidido polo músico, actor e escritor Jimmy Barnatán; a terapeuta e preparadora xuvenil da Comunidade Xudía de Madrid Coty Aserín; o xornalista e autor de varios Diarios de Viaxe da Red Carmelo Jordá; e a intérprete, investigadora e directora do Centro Internacional de Música Medieval Mara Aranda.

    O rexedor de Tui, Enrique Cabaleiro, felicitou ao alumno polo bo traballo e o esforzo realizados para obter este recoñecemento e agradeceu ao Colexio Santa María – Maristas o compromiso con este concurso literario, concienciando na importancia da defensa deste patrimonio material e inmaterial e na súa achega á nosa cultura. Este centro educativo recibiu tamén unha placa que o recoñece como ‘Colexio Asociado á Red de Juderías de España’.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.