6.4 C
Pontevedra
Martes, 5 de Decembro de 2023
Máis
    HomeBaixo MiñoTuiPresentación da biografía sobre Basilio Álvarez no ciclo "Sobredo 101 anos despois"

    Presentación da biografía sobre Basilio Álvarez no ciclo “Sobredo 101 anos despois”

    Este mércores, 15 de novembro, lugar a presentación do libro “Ese vento que vai sobor da terra. A vida desmedida de Basilio Álvarez”, obra Miguel Cabo Villaverde, profesor de historia na Universidade de Santiago de Compostela editada pola Deputación de Ourense. A presentación terá lugar na Sala Félix Rodríguez González, no Edificio Francisco Sánchez de Tui ás 19.30 h, e correrá a cargo do propio autor.

    A actividade, está organizada polo IEAMSO, Instituto de Estudos Agrarios Mártires de Sobredo, no Ciclo “Sobredo, 101 anos despois” e conta coa colaboración do Concello de Tui.

    Motiva esta actividade o feito de que hai 80 anos, precisamente o 15 de novembro de 1943, morre no exilio, Basilio Álvarez; na súa faceta de líder agrario foi quen de mobilizar a sociedade galega da súa época na loita contra foros e caciques, e pola xustiza e a verdade.

    Miguel Cabo, historiador especializado en historia rural e historia social, sinala o interese de achegarse á figura de Basilio Álvarez, que lideraba a opinión pública galega nas primeiras décadas do pasado século na súa condición de líder do movemento agrario, pero “sabemos pouco da súa figura máis aló da personaxe que el mesmo creou”. “Un orador portentoso, consciente do espectáculo que é a política”, comentou Cabo sobre Basilio Álvarez.

    Este ciclo de actividades continuará o vindeiro mércores 22 de novembro coa presencia de Aurora Marco presentando o seu traballo sobre as mulleres do Seminario de Estudios Galego e se completará co tradicional acto xunto ao Monumento en Sobredo, en lembranza dos Mártires, o domingo 26 de novembro.

    LIBROS

    Amador Castro Moure, «Pronto hei de volver»

    A emigración, como non podía ser doutra maneira, é un deses temas aos que a literatura galega volve unha e outra vez. Dende distintas perspectivas e con diferentes enfoques e intencións, forma parte troncal do noso sistema literario dende o momento en que comezou a tomar forma.

    Xosé M. Eyré, «Ou as dúas estaredes mortas»

    Moito temos falado neste mesmo espazo dos cada vez máis difusos lindes entre xéneros literarios; de como novela e relato –tamén a poesía ou o teatro– semellan lidar pola posesión de espazos que tradicionalmente lles eran alleos e que pretenden converter en propios, alimentando así unha fusión que, no fondo, non deixa de ser a procura de novas vías de expresión aínda non transitadas.

    Raquel Castro, «Sobremesas sobre versos»

    Dende fai xa varios anos, Raquel Castro é unha das habituais na literatura infantil galega, pero a maioría dos seus traballos publicados enfocábanse cara ao mundo do teatro para nenos, onde deixou pezas de excelente facturación.