13.6 C
Pontevedra
Xoves, 18 de Agosto de 2022
Máis
    HomeBaixo MiñoTuiO público aplaudiu a segunda edición do FIAR na Eurocidade Tui-Valença

    O público aplaudiu a segunda edición do FIAR na Eurocidade Tui-Valença

    Consolidación xa na súa  segunda edición do FIAR, o Festival Internacional de Artes de Rúa da Eurocidade Tui-Valença, que se celebrou o venres 22, o sábado 23 e o domingo 24 de xullo. Foron tres intensas xornadas nas que as rúas e prazas de Valença e Tui se encheron de música, humor, danza, maxia… e dos aplausos do público.  Consolidación tamén do festival tanto pola acollida por parte do público como pola calidade dos espectáculos programados.

    Dende a tarde do venres, cando tiveron lugar os primeiros espectáculos, ata a última hora do domingo, o Jardim das Amoreiras e a praça da República na Fortaleza, e o Jardim Municipal de Valença, xunto ao Paseo da Corredoira e a praza de San Fernando en Tui, convertéronse no escenario de 24 espectáculos de artistas españois, portugueses e italianos que se deron cita no FIAR 2022.

    A música de Galiró e do Trío Detrés percorreu as rúas da Eurocidade onde os temas musicais se mesturaron co humor. The Buckets coa súa orixinal percusión encheu de ritmo a tarde do sábado, mentres que Kumpania Algazarra, o sábado, e os grupos Fóra da Pauta e Old Brige, o domingo, animaron a noite no Jardim Municipal.  O Jardim das Amoreiras acolleu na tarde do venres a presentación das marionetas xigantes de peixes confeccionadas polos asistentes ao obradoiro que Mandrágora ofreceu ao longo da semana en Valença. Pola súa banda, Troula Animación percorreu con humor e maxia as rúas de Tui co seu particular dentista.

    La Sincro conquistou ao público o venres á noite na praza de San Fernando coa súas particulares olimpíadas, mentres que, chegados dos anos 50, os personaxes de La Coquette fixeron gala de enxeño, acrobacia e bo humor coa compañía Kanbahiota.

    A tenrura da marioneta de Catropés conquistou a pequenos e maiores no seu particular paseo polas rúas de Valença e Tui, movendo os fíos con Animacrequetes.

    E aínda houbo máis, con Rolando Rondinelli e Fermín Mora, que captaron toda a atención do público coas súas actuacións, nas que os propios espectadores foron tamén parte do espectáculo. Mentres, no Paseo da Corredoira, La Gata Japonesa camiñou sobre botellas con mensaxes, e se columpiou sobre un mar que mesmo lle falaba contaxiando o seu sorriso as persoas que se achegaron a ver ao espectáculo. O mago Adrián Conde fixo o propio o domingo cunha calorosa acollida por parte do público. Houbo tempo tamén para cidadáns exemplares coma o que Comedias do Minho levou a escena o venres pola noite.

    Tras o éxito e consolidación desta segunda edición, a Eurocidade Tui-Valença proseguen o seu traballo conxunto para comezar a trazar xa as primeiras liñas dun festival que ten convertido ás dúas cidades na capital das artes de rúa. O obxectivo é seguir apostando polo seu crecemento tanto en público coma en número e calidade dos espectáculos. Agora o obxectivo é que esta proposta para o público poida seguir mellorando ano a ano tanto nos espazos onde se celebra coma nos horarios e tipos de espectáculos.

    No verán de 2023 volverá o FIAR, xa na súa terceira edición. O Festival Internacional de Artes de Rúa forma parte do proxecto Unicidade, co-financiado polo programa Interreg V-A, Espanha-Portugal, 2014-2020.

    COLABORACIÓNS

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Galicia

    Onte, 25 de xullo, celebrouse na nosa comunidade o día da patria galega, polo que esta publicación vai adicala a ela. Este día festéxase oficialmente dende 1979, ainda que a orixe desta celebración remóntase a 1919.

    Un tour por Marruecos

    He estado un poco desaparecida, pero aquí estoy de nuevo 🙂 En mayo viajé junto con cuatro amigas a Marruecos, hicimos una escapada durante el puente de las Letras Galegas. Fue breve, pero intensa. Nos dió tiempo a aprovechar muy bien esos cinco días y a conocer un trocito de ese país tan especial.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    67 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS