17.3 C
Pontevedra
Sábado, 18 de Maio de 2024
Máis
    HomeBaixo MiñoTuiO Concurso de Patrullas da Brilat sairá este mércores dende o centro...

    O Concurso de Patrullas da Brilat sairá este mércores dende o centro de Tui

    O Paseo da Corredoira de Tui será este mércores o punto de partida da XXI edición do Concurso de Patrullas que organiza a Brilat, que percorrerá a distancia entre Tui e Santiago de Compostela. Nesta proba os e as militares de cada patrulla poñerán a proba a súa capacidade de sacrificio, a súa habilidade e a súa resiliencia.

    Ao longo deste percorrido, dunha gran esixencia física, terán que facer sete probas de carácter militar, percorrido topográfico, lanzamento de granadas lastradas, rapel, paso a nado dun río, tiro, paso de pista de aplicación e percorrido cronometrado, probas que endurecen o desenrolo da proba, tanto no aspecto físico como no psicolóxico, que poñen a proba a súa capacidade e a súa instrución militar.

    A saída realizarase dende o centro da cidade de Tui, no Paseo da Corredoira, este mércores, 22 de xuño, a partir das 08.30 horas. A meta e entrega de trofeos terá lugar na Praza do Obradoiro de Santiago de Compostela, o xoves 23 a partir das 18.30 horas.

    Este ano foron introducidos cambios no regulamento coa intención de estudiar a posibilidade da apertura da proba ao mundo civil, establecéndose dúas categorías, “COMPOSTELA”, formada por equipos de tres militares e que realizarán os 120 quilómetros do camiño incluíndo as sete probas e a categoría “AZOR”, na que participan equipos de tres patrullas de tres compoñentes cada unha que, por relevos, percorren un tercio do percorrido cada unha. En total participarán 210 militares de unidades da propia Brilat, como de outras unidades do Exército de Terra, da Armada e do Exército do Aire.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.