16.1 C
Pontevedra
Mércores, 18 de Maio de 2022
Máis
    HomeBaixo MiñoTuiO Concello de Tui solicita un obradoiro dual de emprego para recuperar...

    O Concello de Tui solicita un obradoiro dual de emprego para recuperar a senda do río Furnia

    O concello de Tui vén de presentar á Consellería de Emprego e Igualdade a solicitude de subvención, dentro da convocatoria de Obradoiros duais de emprego 2022, para a execución do proxecto “Senda río Furnia”, nas parroquias de Malvas e Pexegueiro.

    O obxectivo é recuperar a riqueza natural e cultural da conca do río Furnia no termo municipal de Tui.

    O obradoiro solicitado polo Concello de Tui, por un período de 12 meses, incluiría dúas especialidades, unha forestal de  “Actividades auxiliares en conservación e mellora de montes” e outra de madeira de “Montaxe e instalación de construcións de madeira”. O alumnado, 10 persoas por especialidade, obtería o correspondente certificado de profesionalidade, en dous oficios que contan con gran demanda laboral na actualidade. 

    O orzamento do obradoiro ascende a preto de 660 mil euros dos que preto de 500 mil serían aportados pola Xunta e 160 mil polo Concello de Tui. No caso de que a resolución sexa favorable esta actividade formativa podería comeza o próximo 1 de xullo. A subvención solicitada contempla a contratación dunha persoa para o cargo da dirección, outra para  titoría, outra a tempo parcial para auxiliar de oficina, e dúas persoas como docentes. O alumnado deberá estar en posesión do graduado en ESO ou superior, ser maior de 18 anos e estar inscritas na oficina do Servizo Público de Emprego de Tui. Para a selección tanto do persoal de administración como para o alumnado, o Concello solicitaría á oficina do SPEG unha listaxe de persoas que cumpran as condicións e realizaría o proceso de selección seguindo as instrucións da Consellería.

    Unha senda fluvial de 4.650 metros en Malvas e Pexegueiro

    O proxecto inclúe por unha banda a integración ambiental do propio curso fluvial e por outra unha senda peonil de 4.650 metros de lonxitude na zona de servidume de tránsito do río nas parroquias de Malvas e Pexegueiro. Para a súa execución contémplase a limpeza de vexetación, colocación de tocos de sinalización, paneis informativos, varandas e pontellas de madeira. Coa execución desta senda o concello dará resposta a unha vella aspiración da veciñanza destas dúas parroquias tudenses.

    O río Furnia, que nace no Parque Natural do Monte Aloia e desemboca no río Miño en Tomiño, destaca pola importancia da súa flora e pola súa riqueza patrimonial xa que ao longo do seu percorrido e contorna existen numerosos muíños, pontes e outros elementos patrimoniais de consideración.

    Para poder executar esta senda, tras a elaboración do proxecto foron solicitadas as preceptivas autorizacións a outras administracións para poder afrontar a súa execución.

    A cesión dun tramo de 5 metros de servidume das 130 parcelas é un paso imprescindible para poder abordar esta actuación. Por iso dende o Concello de Tui quérese amosar o agradecemento aos propietarios que xa realizaron a cesión, e realízase un chamamento a aqueles que están pendentes de dar este paso.

    COLABORACIÓNS

    ¡El mago de la electrónica, ha muerto!

    El personaje de la portada, es probable que a muchos lectores no le suene, quizás algunos al ver los cachibaches que está utilizando, se puedan hacer una pequeña idea, pero los seguidores de la música electrónica clásica y el Krautrock, seguro que si lo conocen perfectamente. Estamos hablando del mago de la electrónica, uno de esos pioneros que elevaron este estilo musical y la forma de hacer música al grado de celestial. Esta semana nos ha dejado el gran e inigualable, Klaus Schulze.

    Ledicia Costas, «O neno de lume»

    Ledicia Costas ten unha imaxinación poderosa e unha rara habilidade para a construción do que poderiamos chamar «relato marabilloso», ese que mistura realidade e fantasía, no que conviven persoas do común con seres sobrenaturais dotados de habilidades especiais.

    Mamá

    Cuatro letras de una de las palabras que primero aprendemos, que más pronunciamos a lo largo de nuestra vida y que más seguridad nos transmite.

    Brillante papel do CN Ponteareas nos campionatos de España de Torremolinos

    Torremolinos, en Málaga, foi a sede do XXII campionato de España “Open” Absoluto–XXXVIII Campionato de España júnior, que se disputou en piscina de 50 metros do 9 ao 13 de abril. O evento congregaba aos principais nadadores e nadadoras nacionais e foi retransmitido en directo pola canle Teledeporte.

    Colaboradores

    Alberto Aliaga Sola
    19 POSTS0 COMMENTS
    Bea Sanfa
    12 POSTS0 COMMENTS
    Manrique Fernández
    63 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS