11.5 C
Pontevedra
Venres, 9 de Decembro de 2022
Máis
    HomeBaixo MiñoTuiO Concello de Tui pon en marcha a campaña #ElixeTui

    O Concello de Tui pon en marcha a campaña #ElixeTui

    O Concello de Tui quere elevar o seu comercio local ás alturas. Neste camiño vén de poñer en marcha unha campaña promocional de apoio ao comercio de proximidade baixo o lema #ElixeTui, unha orixinal campaña impulsada dende a área de comercio coa que se busca “impulsar e promocionar a compra nos establecementos locais sensibilizando á veciñanza da importancia de consumir en clave local para activar a economía, defender o emprego e impulsar o crecemento da nosa cidade en beneficio de todos e todas”, como sinala a concelleira de Comercio, Ana Núñez.

    A campaña estará activa ao longo dos próximos meses coincidindo con datas de grandes eventos que mobilizan unha gran cantidade de compras. A campaña de comunicación incluirá un amplo abano de accións cos que implicar á veciñanza e comerciantes na dinamización do comercio local nesta recta final do ano, animando a todas e todos os tudenses a apostar polo consumo de proximidade o longo do ano e de xeito especial nas próximas datas de compras como é o Black Friday ou durante as festas de Nadal.

    Para iso, o Concello deseñou unha imaxe específica e distribuirá entre o sector da hostalaría e a restauración manteis coa imaxe da campaña, colocará carteis nos establecementos, repartirá entre os comerciantes bolsas de cartón serigrafiadas, instalará unha valla publicitaria coa que animar tamén a mercar en Tui a todas e todos os visitantes e iniciará unha campaña de promoción en radio e nas redes sociais. O Concello anunciará proximamente as bases e forma de participación, a través das redes sociais de #QueroTui do sorteo de bolsas de rafia, cestas de produtos e varios carriños para a compra coa imaxe da campaña. Precisamente dende as redes sociais de #QueroTui levarase a cabo unha campaña de impulso ao comercio local a través dos propios protagonistas, os e as comerciantes, a clientela e os produtos.

    Coa imaxe de Tui subindo ao ceo grazas a milleiros de globos, a campaña está inspirada na historia real de Edith Macefield, unha muller de 80 anos de Estados Unidos que sostivo unha longa batalla contra os donos dun centro comercial que pretendían desaloxar a súa casa para continuar co proxecto e que deu lugar a  coñecida película de animación Up!. “Esa é exactamente a mensaxe que queremos trasladar ao pequeno comercio, que as ameazas poden converterse en oportunidades”, explica a edil, que destaca tamén que a campaña “quere sensibilizar á veciñanza da necesidade de ser solidarios coas e cos nosos veciños, especialmente agora que se achega unha época de moitas compras”.

    Todo o material promocional da campaña está a disposición dos establecementos comerciais na Oficina de Turismo de Tui. As persoas interesadas poden dirixirse ao correo comercio@tui.gal  ou ao teléfono da concellería 673 14 95 25 para calquera aclaración ou dúbida.

    Esta campaña conta co financiamento da Consellería de Política Lingüística da Xunta de Galicia e do Concello de Tui.

    COLABORACIÓNS

    Nazaret López, «Pecados veniais»

    Ás veces non resulta doado establecer o punto no que se sitúa a liña feble que separa uns xéneros literarios de outros. É coma participar nunha especie de xogo no que os autores rachan as barreiras establecidas e descolocan ao lector, quizais para provocar unha lectura diferente do texto que presentan.

    Despilfarro

    Según la RAE, despilfarro significa "Gasto excesivo y superfluo" y la verdad, que no se me ocurre un término mejor para definir lo que está ocurriendo en muchos de nuestros ayuntamientos con tantas plazas a arreglar y tanto peatonolizar.

    Alba Guzmán Falcón, «Xoaniña de Deus»

    Alba Guzmán era, ata o de agora, unha autora practicamente descoñecida para o gran público, a pesar de contar no seu haber cunha morea de premios en certames de poesía e tamén de narrativa.

    Henrique Dacosta, «O estraño caso da bicicleta amarela»

    Henrique Dacosta vén de entregar ao prelo unha nova proposta narrativa. E digo “narrativa” e non digo ben, pois este volume, «O estraño caso da bicicleta amarela», leva o clarificador subtítulo de «Oito contos e unha traxicomedia» e tal é o contido da obra: oito relatos breves de extensión variable e unha pequena peza teatral, a primeira da que teñamos constancia e da que falaremos máis adiante.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    74 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    5 POSTS0 COMMENTS
    Avatar
    1 POSTS0 COMMENTS