8.7 C
Pontevedra
Xoves, 28 de Marzo de 2024
Máis
    HomeBaixo MiñoTuiO Club Bádminton Tui felicita aos seus deportistas

    O Club Bádminton Tui felicita aos seus deportistas

    O complexo deportivo Álvaro Pino acolleu o campionato galego sub 15

    O Club Bádminton Ponteareas organizou o último campionato galego federado o sábado no complexo deportivo Álvaro Pino. Participaron preto de sesenta deportistas das catro provincias galegas, un total de 10 equipos.

    O evento celebrarouse sen público na grada e co mínimo persoal imprescindíbel para o seu bo desenvolvemento, seguindo un estrito protocolo de seguridade anti Covid-19, marcado pola Consellería de Sanidade da Xunta de Galicia.

    O evento estivo organizado tamén pola Federación Galega de Bádminton en colaboración co Concello de Ponteareas, Protección Civil Ponteareas, Servizo Provincial de Deportes da Xunta de Galicia, Deputación de Pontevedra e as casas comerciais Frutas Santi, Deportes Carlos Miguel, Bizebike, Repuestos Ojea e Empresa Raul S.A.

    Desde o Club Bádminton de Tui, queren felicitar a todos os deportistas, destacando aos do seu propio equipo, xa que quedaron no quinto posto, composto por Andrea Pérez Vila, Sonia Navas Castiñeira, Lía Salvado Areal, Telmo Portela Otero, Emilio González Jiménez e Roque Fernández Varela

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.