12.9 C
Pontevedra
Mércores, 22 de Maio de 2024
Máis
    HomeBaixo MiñoTuiMargarida Mariño e Laura Iturralde poñen en escena mañá xoves en Tui...

    Margarida Mariño e Laura Iturralde poñen en escena mañá xoves en Tui “As voces da Conciencia”

    A praza norte da Catedral de Tui será mañá  o escenario de “As voces da conciencia” con Margarida Mariño e Laura Iturralde e dentro do programa “Mulleres en acción. Violencia Zero” da Deputación de Pontevedra.  

    “As voces da conciencia” é unha peza multidisciplinar na que as protagonistas son as voces de distintas mulleres  que narran en primeira persoa cómo a violencia machista afectou ás súas vidas, en calquera das  súas moitas formas, conseguindo crear un ambiente incómodo que convida á autoreflexión como  sociedade. 

    Margarida Mariño e Laura Iturralde achegan tamén unha mensaxe esperanzadora, que “loita por acadar una consciencia colectiva que consiga  rematar dunha vez por todas con esta lacra”.  “As voces da conciencia” é unha obra coral entre mulleres, que se expresa a  través da música, das escenas sonoras, da videocreación e da iluminación camiñando entre estilos  dende o violoncello clásico ata o máis vangardista, mesturado con electrónica e deixando ao  ouvinte coa última palabra e a súa libre interpretación.

    Margarida Mariño é  autora da  idea, e da composición musical, violoncello e electrónica , mentres que Laura Iturralde realizou a composición visual, videoarte, e iluminación.

    O acto é a aberto a todo o público. A concelleira de Igualdade,  Ana Núñez, agradece a Deputación está iniciativa, ao  tempo que convida a asistir a toda a cidadanía e visitantes a esta actuación artística que “ten como fin último a loita contra violencia de xénero”.

    Laura Iturralde é técnica Superior en Imaxe e en Gráfica Publicitaria e Titulada Superior en Arte Dramática na especialidade de Escenografía. Nos seus traballos destaca a dirección artística de Terra, do grupo galego Tanxugueiras para o festival de Benidorm ou o deseño de iluminación e videoescena de Fariña. Traballa como iluminadora, escenógrafa e videocreadora con múltiples proxectos escénicos, artistas ou compañías como Mercedes Peón, Brigitte Vasallo, A Quinta do Cuadrante, Centro Dramático Galego, Cía Borja Fernández, ou  Pálido Domingo. Desenvolve tamén o seu traballo máis persoal nos proxectos de música con visuais como Corvax e en instalacións como Fenda ou Centinela.

    No seu haber ten varios Premio María Casares á mellor escenografía polo seu traballo en Resaca , en iluminación por Invisibles,  O Empapelado Amarelo  e Bailar Agora. Foi galardoada en 2021 co premio  Rogelio de Egusquiza, da Asociación de Directores de Escena de España pola iluminación de Fariña, de Ainé Producións. Margarida Mariño é licenciada no Conservatorio Superior Liceu de Barcelona. Explora os límites sonoros i estéticos do violoncello, experimentando con xéneros onde o seu instrumento non é tan común, coma a improvisación libre e o jazz, música espontánea i experimental, electrónica ou música tradicional galega. Ten formado parte de diferentes formacións coma a Orquestra Ressonance (Suiza), La Via dei Concerti (Italia) ou a Filharmonía de Galicia. No ano 2015 foi galardonada co dúo Treme polo premio Música Xove á mellor banda galega. No ano 2018 foi solista da producción do Teatro Real, Pulcinella.  Ten dous traballos discográficos publicados co multiinstrumentista Fernando Barroso: Silence Lovers Club (2018) e Xograr (2020), co trío de música clásica e contemporánea Eixos Cromáticos (2020) e co quinteto de jazz Límbico (2021).  En febreiro de 2020 presenta o seu traballo en solitario Cello&Electronics, fusionando o violoncello clásico coa electrónica. Ten composto e interpretado música orixinal para o cine.     

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.