8.7 C
Pontevedra
Xoves, 28 de Marzo de 2024
Máis
    HomeBaixo MiñoTuiMañá ás 12 h inaugúrase a exposición “O esforzo in-visible das deportistas...

    Mañá ás 12 h inaugúrase a exposición “O esforzo in-visible das deportistas tudenses”

    Mañá sábado, 11 de marzo, ás 12 h inaugurarase no Paseo da Corredoira a exposición “O esforzo in-visible das deportistas tudenses”.  A mostra organizada dentro da programación “Ocupemos o noso lugar” conmemorativa do Día Internacional das Mulleres busca visibilizar as deportistas tudenses e o seu esforzo en distintas disciplinas.

    Así protagonizan esta mostra Sara Tui, Campioa do Mundo de Fútbol Praia, Marisa Giráldez, medalla ao Mérito Deportivo de Galicia, Aida Valiño, subcampioa de Europa e de España de Triatlón, Anita Rodríguez, exxogadora da 1ª División Nacional de Balonmán, Carmen González, subcampioa de España de Judo, Eva María Ara, xogadora de Kaiak Polo integrante da Selección Nacional, Leticia Barbosa, 5ª no Campionato de España Absoluto de Atletismo, Loli Pedrares, campioa de España de lanzamento de Martelo, Nuria Domínguez, remeira olímpica, Susana Fontán, campioa de España de Tiro Olímpico, Tania Fernández, campioa do Mundo de Piragüismo.

    Mañá a inauguración contará coa presenza do alcalde de Tui, Enrique Cabaleiro, da concelleira de Igualdade, Ana Núñez, do concelleiro de Deportes, Rafael Estévez, e de boa parte das deportistas protagonistas da exposición.

    Dentro da programación do 8M o domingo realizarase o Roteiro Camiñando con elas que partirá ás 11 h da rúa Rosa Bahamonde para realizar un percorrido polo centro urbano por distintos lugares ligados a dez mulleres tudenses. Para participar é preciso inscrición previa na Oficina de Turismo.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.