32.5 C
Pontevedra
Luns, 22 de Xullo de 2024
Máis
    HomeBaixo MiñoTuiMáis de mil persoas nos Descensos do Miño este sábado

    Máis de mil persoas nos Descensos do Miño este sábado

    Máis 1.100 persoas participarán este sábado, 19 de agosto, no Descenso Internacional do Miño e no Descenso Popular que organiza o club Kaiak Tudense coa colaboración do Concello de Tui, entre outras institucións e entidades.

    O 52º Descenso Internacional do Miño  incrementa a súa participación en case 100 deportistas con respecto a edición de 2022, e congregará a 558 deportistas de 48 clubs  dos que 33 son de Galicia, 6 de Portugal, 2 de Arxentina, 3 de Madrid, 2 de Valladolid, 1 de Pamplona e 1 de Asturias.  A saída será ás 18.30 h dende Salvaterra de Miño, e estímase que os primeiros en cruzar a liña de meta o fagan en aproximadamente unha hora. Entre os favoritos para a vitoria están no K1 senior Manuel Garaycoechea e Amaia Osaba; no K2 Iván Alonso e José Barreiro, Adria Prada e e Joaquín Iglesias na categoría masculina e Tania Fernández e Carmen Villar na feminina.  No K2 mixto parten con opcións de subir ao máis alto do podio as parellas locais de Leticia Piña e Rubén Millán, e de Lucía Soutelo e David da Rocha, xunto a Cristina Franco e Rubén Franco. En canoa a nivel individual as favoritas son Claudia Couto, campioa do Mundo en C1 200, Ana Pereira, medallista no Mundial,  xunto a Óscar Graña e Jaime Duro na categoría masculina e Diego Miguens e Fernando Busto no C2.  A entrega de premios será ás 20 h.

    Previamente, ás 16 h sairá dende a ribeira de Caldelas o Descenso Popular do Miño que acada a súa décimo segunda edición. Hai inscritas 550 persoas que nas súas piraguas encheran de corido o río Miño ao longo de 7 quilómetros até Tui. Para facilitar o transporte das persoas participantes haberá autobuses lanzadeira dende a rúa Tenencia, fronte ao Parador, onde haberá amais habilitada unha zona de aparcamento. Previamente dende ás 12 h na propia ribeira celebrarase a Romaría Popular.

    A festa continuará na rúa Compostela a partir das 20 h con música e gastronomía na Festa Gastronómica.

    Esta mañá na presentación da proba Ana Núñez, alcaldesa en funcións, amosou o orgullo da institución que representa  por ser “un concello recoñecido nacional e internacional como referente no mundo do deporte, e en concreto no mundo do piragüismo”. Engadía que este é un deporte “tan significativo e tan ligado a nosa esencia” que dende os seus inicios ten dado colleitado grandes éxitos. Nese senso recoñecía o “gran traballo que desde o Club Kaiak Tudense veñen realizando” tanto na organización deste 52 Descenso Internacional do Miño, declarado Festa de Interese Turístico, senón tamén coma berce de grandísimos campións e campioas olímpicos, nacionais e internacionais”. Ao tempo reivindicou a presenza feminina no deporte e nos órganos de representación do deporte.

    O concelleiro de Deportes de Tui, Rafael Estévez, salientou que o Descenso é un evento moi consolidado que conta con gran implicación dos deportistas e éxito rotundo de participación. Mentres o seu homólogo de Salvaterra, Edgar Martínez indicaba que este evento achega ao deporte a todos podendo gozar do espazo natural no que se celebra. 

    O presidente da Federación Galega de Piragüismo, Alfredo Bea, destacaba a ampla participación que rexistra este evento e convidaba ao público a gozar deste espectáculo deportivo. Mentres o xefe provincial de Deportes, Daniel Benavides, lembrou que o Kaiak Tudense é un club referente para a Secretaria Xeral para o Deporte, engadindo que Tui é un referente en combinar o deporte federado e o popular, e aludido a ampla participación prevista sinalaba que “falta pouco para chegar ao Sella”.

    O deputado provincial de Cooperación Transfronteiriza e Relacións Institucionais, Roberto Carrero, referiuse ao Descenso coma un acto importante que constitúe un evento de promoción de toda a provincia e que brinda un espectáculo de primeiro nivel.

    O presidente do Kaiak Tudense, Diego Piña, repasou na súa intervención os datos deportivos deste eventos, agradecendo o apoio de todas as persoas e institucións que o fan posible e convidando á achegarse ao Miño para gozar destes Descensos.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.