23.6 C
Pontevedra
Luns, 5 de Xuño de 2023
Máis
    HomeBaixo MiñoTuiLuns de San Telmo en Tui

    Luns de San Telmo en Tui

    Hoxe, luns de San Telmo e festivo local en Tui, será o día grande das festas na honra ao patrón de Tui e dos mariñeiros, cun amplo programa ao longo da xornada coa feira cabalar, os actos relixiosos, os concertos, a verbena…

    En San Bartolomeu continuará a Feira Cabalar coa actividade de compra venda de gando dende ás 8 horas. Ao longo da xornada está prevista unha exhibición de Andadura Galega (10h), unha xincana para nenos (11 h) e para público adulto (12 h) así coma a entrega dos Premios Especiais, con galardóns ao Mellor Xinete, Amazona, Cabalo, Poni, Carruaxe, Burro, Mula, Xinete máis xove e Amazona máis xove  e ao Tratante con máis Cabezas, Burros, Ponis e Cabalos (13 h). Ás 13:30 h o público poderá disfrutar de novo co espectáculo ecuestre de Santi Serra Camps, que ofrecerá xa hoxe domingo ás 19 h. Novamente haberá poni club e paseos en carruaxe.

    Ás 10.30 h sairá dende a Catedral a procesión pola Coronilla seguida da misa na honra a San Telmo, na que corresponde ao alcalde de Tui, Enrique Cabaleiro, realizar a ofrenda invocación a San Telmo.

    Ás 13 h na Casa do Concello recibirase a delegación de Versmold que até o xoves 20 visita Tui con motivo do décimo aniversario do acordo de irmandade entre Tui e este municipio alemán. A continuación na rúa Ourense terá lugar a entrega do banco da Irmandade.

    A fotografía é outra das citas da xornada coa exposición ‘As orixes da fotografía en Tui’ que recolle as imaxes tomadas a finais do século XIX e comezos do século XX polo catro primeiros fotógrafos que contaron con estudo en Tui. E empregando a técnica do ‘colodión húmido’ do século XIX un fotógrafo ambulante da empresa Lab on Wheels volverá estar na praza da Inmaculada.

    Xa na parte gastronómica remata nesta xornada a Festa do Meixón que comezou o 1 de abril en distintos restaurantes tudenses.

    Nesta xornada festiva a música chegará da man da Banda de Música Popular de Rubiós, das Neves, que ofrecerá un concerto na carpa da Corredoira ás 12.30 h, onde ás 18 h actuará a Banda de Música da Escola Naval Militar de Marín. Mentres a charanga Cantos Somos xunto aos Xigantes e Cabezudos estarán na praza da Inmaculada a partir das 17 h.  A orquestra Panorama amenizará a verbena no Espazo Feiral en dous pases ás 19.30 h e ás 23 h.

    Ás 19 h está prevista a entrada na cidade da da Banda de Guerra e Guión da BRILAT  que dende a Glorieta de Vigo se trasladará até a praza de San Telmo onde realizará o homenaxe aos confrades de San Telmo falecidos.

    Dende a Catedral partirá ás 21 h a solemne  Procesión de San Telmo, unha das máis numerosas que se celebran na zona polo número de imaxes que participan chegadas de todas as igrexas parroquiais do municipio, como polo número de autoridades, agrupacións musicais,  e persoas que participan no percorrido   polas rúas da cidade, até regresar á praza de San Fernando onde terá lugar a ofrenda a San Telmo.

    O colofón final das Festas de San Telmo e do día festivo na cidade será, coma xa é tradición, a tirada de Fogos Piromusicais dende os Xardíns de Troncoso, nos que se establecerá un dispositivo de seguridade.  A tirada de fotos de artificio, ao igual que o ano pasado, acompañarase con música.

    COLABORACIÓNS

    Pilar Pallarés, «Unha boa gatucada!»

    A primeira incursión de Pilar Pallarés na literatura infantil e xuvenil resultou ser unha grata sorpresa, unha colección de poemas (en realidade un longo poema narrativo fragmentado), que ten como protagonistas un grupo de gatos que conviven cunha humana.

    Aperitivos de hojaldre sin gluten

    Mayo es el mes de las personas celíacas. El día 16 se celebró el Día Internacional de la Enfermedad Celíaca y hasta este año, el 27 de mayo se celebraba en España el Día Nacional (este año nos unimos al resto de los países y lo celebramos el día 16).

    Ponteareas diante das eleccións (II): a Xeración do cambio, un recordo para que a Historia non se repita

    “De onde vimos? quen somos? onde imos?”. O título do cadro de Paul Gauguin e a letra da coñecida canción de Siniestro Total son interrogantes filosóficos que, aplicados ao mundano proceso electoral no que estamos inmersos, serven para lembrarnos que os procesos histórico-políticos son dinámicos e, polo tanto, teñen unha xénese no pasado que explica un presente que, á súa vez, condicionará o futuro decorrer dos acontecementos. A recente historia de Ponteareas non é unha excepción e, a poucos días das eleccións municipais, convén lembrala para non estar condenados a repetila.

    Ponteareas diante das eleccións (I): David contra Goliat e a utopía feita realidade

    Botando unha ollada atrás un non pode deixar de sorprenderse da rapidez coa que transcorre o tempo e a vida. Unha velocidade vertixinosa que tamén acompaña aos acontecementos e procesos sociais e políticos e que explica a facilidade coa que a sociedade pode esquecer tan axiña o seu pasado e, sobre todo, en política, ignorar de onde vimos, onde estamos e cara onde nos diriximos. Esquecemento dos que viviron eses procesos, mais tamén descoñecemento comprensíbel por razóns biolóxicas e xeracionais dos que daquela non naceran ou eran uns cativos.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    84 POSTS0 COMMENTS
    Paz de la Peña
    42 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    8 POSTS0 COMMENTS
    Avatar
    1 POSTS0 COMMENTS