28.5 C
Pontevedra
Sábado, 28 de Maio de 2022
Máis
    HomeBaixo MiñoTuiGarda Civil e Policía Local reforzarán o control do ocio nocturno en...

    Garda Civil e Policía Local reforzarán o control do ocio nocturno en Tui

    A subdelegada de  Goberno en Pontevedra, Maica Larriba, presidiu hoxe xunto ao alcalde de Tui, Enrique Cabaleiro, a Xunta Local de Seguridade Extraordinaria deste municipio. Na reunión tamén estiveron presentes o coronel xefe da Comandancia da Garda Civil en Pontevedra, Simón Venzal, e o xefe da Policía Local, entre outros mandos.

    O alcalde tiña solicitada a celebración desta Xunta Local de Seguridade Extraordinaria debido aos problemas que se están producindo nas fins de semana, principalmente na zona monumental, debidos ás concentracións de xente nas rúas unha vez que pechan os locais de ocio nocturno. Estes acontecementos motivaron que por parte da Garda Civil se aposte por establecer operativos conxuntos coa Policía Local dirixidos a erradicar esta situación e a garantir que tras o peche dos locais a xente non permaneza nas rúas do casco histórico. 

    Porén, durante a reunión acordouse a posta en marcha de diferentes dispositivos de coordinación e colaboración para afrontar os problemas derivados do ocio nocturno con patrullas conxuntas da Garda Civil e da Policía Local, que velarán polo cumprimento das restricións horarias e das medidas sanitarias vixentes.

    Ademais destes operativos no casco urbano, a Garda Civil de Tráfico levará a cabo durante as fins de semana na localidade amplos dispositivos de control de drogas e alcohol para evitar a condución baixo os seus efectos.

     

    Maica Larriba fixo fincapé en que a colaboración da Subdelegación para resolver esta situación “vai ser total” e por iso adiantou que se mobilizarán non só os efectivos dos Corpos de Seguridade do Estado da zona, senón tamén ás unidades de reserva necesarias.

    A subdelegada sinalou que “Tui é unha vila segura entre os concellos da provincia malia estar sufrindo un problema puntual derivado do ocio nocturno que afecta á convivencia e á seguridade veciñal e que trataremos de solucionar mediante os compromisos e acordos alcanzados hoxe”.

    Larriba fixo un chamamento para que estas actitudes se reconsideren e para que se respecten as actuacións da Garda Civil e da Policía Local “que só traballan para garantir o dereito ao descanso da cidadanía e para que se cumpran as medidas fronte a covid”.

    Polo seu lado, o alcalde de Tui explicou que a celebración de botellóns na rúa máis aló do horario establecido para o peche do ocio nocturno, “ademais de causar molestias entre a veciñanza e aumentar os riscos sanitarios está provocando un aumento importante dos estragos no mobiliario público”. O rexedor lembrou que o consumo de alcohol na vía pública está prohibido e que permanecen vixentes outro tipo de limitacións por mor da pandemia, motivo polo que apelou á responsabilidade colectiva para erradicar estas situacións.

    COLABORACIÓNS

    Diego Giráldez, «O meu sangue»

    Diego Giráldez regresa cunha novela bastante peculiar, que ben poderiamos considerar unha parodia do xénero negro levada a tal extremo que a piques está de se converter en si mesma nunha novela negra.

    ¡El mago de la electrónica, ha muerto!

    El personaje de la portada, es probable que a muchos lectores no le suene, quizás algunos al ver los cachibaches que está utilizando, se puedan hacer una pequeña idea, pero los seguidores de la música electrónica clásica y el Krautrock, seguro que si lo conocen perfectamente. Estamos hablando del mago de la electrónica, uno de esos pioneros que elevaron este estilo musical y la forma de hacer música al grado de celestial. Esta semana nos ha dejado el gran e inigualable, Klaus Schulze.

    Ledicia Costas, «O neno de lume»

    Ledicia Costas ten unha imaxinación poderosa e unha rara habilidade para a construción do que poderiamos chamar «relato marabilloso», ese que mistura realidade e fantasía, no que conviven persoas do común con seres sobrenaturais dotados de habilidades especiais.

    Mamá

    Cuatro letras de una de las palabras que primero aprendemos, que más pronunciamos a lo largo de nuestra vida y que más seguridad nos transmite.

    Colaboradores

    Alberto Aliaga Sola
    19 POSTS0 COMMENTS
    Bea Sanfa
    12 POSTS0 COMMENTS
    Manrique Fernández
    64 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS