Un total de 491 persoas demandaron información durante o pasado mes de febreiro na Oficina Municipal de Turismo do Concello de Tui no céntrico Paseo da Corredoira. A gran maioría, 407 foron turistas e 84 peregrinos.
Dos 407 turistas que se achegaron até este punto de información 345 eran de procedencia nacional e 62 chegaron doutros países.
Nestes meses continúa a tendencia do turismo de proximidade xa Pontevedra con 127 visitantes, e A Coruña con 38 foron os principais punto de orixe, xunto ao outros clásicos coma Madrid con 38 persoas, Barcelona con 25, Tenerife con 15 ou Baleares con 14.
No que atinxe aos turistas estranxeiros chegan especialmente dende Portugal, 20 persoas, seguidos de Brasil con 11, Alemaña con 8, Reino Unido con 6, ou Francia e México con 5.
Por outra parte das 84 persoas que estaban a realizar o Camiño Portugués en febreiro, a meirande parte eran peregrinos internacionais de Alemaña, 10, China, 8,Corea 5, Portugal 4, ou EEUU 3. Os peregrinos e peregrinas nacionais, un total de 34, chegaron de Girona 7, Málaga 4, Madrid 4, Badaxoz 4, Pontevedra 3, Toledo 3, Valencia 3…
O alcalde de Tui, Enrique Cabaleiro, destaca que“estes datos son moi positivos”, e ao igual que os rexistrados nos últimos meses “mostran unha tendencia clara á desestacionalización da afluencia de visitantes” indicando que nestes meses considerados de “tempada baixa” a presenza de turistas e visitantes “xa non é anecdótica e mantén un positivo dinamismo que favorece o desenvolvemento socio-económico do noso municipio”.
Cómpre sinalar que estes datos da Oficina Municipal de Turismo recolllen unha tendencia, pois o número de peregrinos e visitantes é moito mais elevado que os atendidos polos informadores turísticos. Por iso o esforzo que o Concello de Tui realiza mantendo aberta todo o ano a Oficina Municipal de Turismo para contribuír a afianzar este proceso e fortalecer o posicionamento de Tui como destino turístico.
