17.1 C
Pontevedra
Domingo, 26 de Setembro de 2021
Máis
    HomeBaixo MiñoTomiñoUnha vintena de tomiñesas aprenden recursos de internet para mellorar a súa...

    Unha vintena de tomiñesas aprenden recursos de internet para mellorar a súa competitividade laboral

    Organizado polos servizos de Igualdade da Deputación de Pontevedra e do propio Concello, o obradoiro estenderase até o mes de decembro

    “Competencias dixitais na busca de emprego e nas relacións coas administracións” é o nome do curso que, con aforo completo e lista de agarda, comezou este luns en Tomiño.

    Organizado polos servizos de Igualdade da Deputación de Pontevedra e do propio Concello, o obradoiro está dirixido a mulleres en paro o en na busca de mellora de emprego.

    A acción, totalmente gratuíta, impartirase en tres grupos de seis persoas, co fin de garantir a seguridade das participantes, que asistirán a clase dúas veces por semana, a razón de 2,5 horas por sesión, na sede da antiga Escola Obradoiro de Goián, recentemente rehabilitada.

    As clases estenderanse até o 12 de decembro en diferentes horarios, de mañá ou tarde, contando neste último caso, con servizo de canguros, de balde, para as nais que o necesiten.

    A presentación da actividade tivo lugar o pasado venres e estivo a cargo da responsable da Oficina Municipal de Igualdade de Tomiño, Silvia Rodríguez, e do profesor a cargo do programa, Jose Fonterosa, con longa experiencia en formación en temas de informática e internet.

    Segundo explicou a primeira, a acción ten coma obxectivo paliar a división sexual do traballo, é dicir, as dificultades de acceso e permanencia no mercado laboral das mulleres respecto dos homes, existente na nosa sociedade. “Sobre todo en tempos de crise, esta diferencia se agudiza aínda máis; por iso queremos axudarvos a paliar este desequilibrio no punto de partida ao acceso ao mercado laboral”, explicou a técnica.

    Jose Fonterosa, pola súa banda, avanzou o programa teórico-práctico a desenvolver, que incluirá diferentes temas relacionados con internet. Enviar un correo electrónico a un organismo, navegar por páxinas webs dunha administración; obter a vida laboral, o certificado dixital ou a chave 365; tramitar de bolsas, solicitar cita previa, buscar  ofertas de traballo, etc., serán só algunhas das tarefas da folla de ruta da actividade, que tamén incluirá nocións básicas de informática. Asemade, a formación incluirá un módulo de coñecemento dos dereitos laborais que axuden ás mulleres a reclamar o que lles pertence; recibindo tamén nocións de acoso laboral e como actuar ante el, e formación básica en temas de igualdade.

    A maioría das mulleres participantes teñen entre 30 e 50 anos, amas de casa con fillos moitas delas, e teñen experiencia laboral (agora desempregadas) relacionada co sector dos servizos, a agricultura, as fábricas, etc. Mulleres que afectadas pola chamada “brecha dixital”, tentan agora pórse á par de outras persoas máis novas en temas de internet e informática que lles permitan informarse e acceder a outro tipo de postos, ademais de aprender a moverse por internet.

    Mellorar competencias

    Oana leva 14 anos en Galicia. Ten 32 anos e traballou en hostalería, viveirismo e automoción. Con dúas fillas ao seu cargo, está agora mesmo en paro e tentando sacar a ESO. Quere mellorar os seus coñecementos de internet, para incrementar as súas posibilidades de atopar un emprego estable.

    Yolanda (49 anos, sen fillos) é de Tomiño e traballa desde os 13 anos no sector servizos, e desde os 20, en hostalería. Con estudos primarios, asiste a este curso convencida de que o futuro laboral, e o presente, está no dominio de internet e redes sociais.

    Luz María (35 anos, dous fillos), é natural de República Dominicana e leva en España 20 anos, 13 deles en Tomiño. Traballou en hostalería e ten coñecementos básicos de internet, pero é consciente da necesidade de mellorar as súas competencias para resultar máis competitiva no mercado laboral.

    COLABORACIÓNS

    Andreia Costas, «Corazón de vaca e outras vísceras»

    «Corazón de vaca e outras vísceras» é a primeira achega individual de Andreia Costas ao mundo da narrativa, logo de participar con éxito en varios certames de relato e de poesía e nalgúns libros colectivos.

    Saliente de guardia

    El volumen de la canción y un discreto codazo de mi mujer me devolvieron a la realidad. El homenajeado sonreía frente a las velas encendidas de la tarta y los invitados entonaban el 'cumpleaños feliz'. Yo tenía la mirada perdida pero, tras el aviso, me incorporé a las últimas notas y al aplauso final.

    Entrevista a Carlos García Vaso

    Escribir sobre Azul y Negro es un orgullo, ya no solo por ser parte de la historia de nuestra música (¿Quién no recuerda las melodías / himnos que hicieron para varias Vueltas Ciclistas a España?) sino por que nunca fueron de divos y siempre estuvieron cerca de sus fans. Acaban de publicar nuevo disco (el Covid los volvió a unir a la formación original) y por tal motivo charlamos con Carlos.

    ¡Indultos!

    Hace unas semanas fue la época de los indultos. Por un lado, se indultaron a los "díscolos catalanes" que quisieron "separarse de la madre patria" para ocultar las vergüenzas de tantos años de corrupción ya que, si no no se entiende. Ni historia ni, sobre todo los datos económicos, lo sostienen por ningún lado.

    Colaboradores

    Alberto Aliaga Sola
    12 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    4 POSTS0 COMMENTS
    Manrique Fernández
    45 POSTS0 COMMENTS
    Paz de la Peña
    34 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS