26.5 C
Pontevedra
Venres, 19 de Xullo de 2024
Máis
    HomeBaixo MiñoTomiñoTomiño renova o seu convenio coa Agrupación Musical de Goián

    Tomiño renova o seu convenio coa Agrupación Musical de Goián

    Tomiño mantén o seu compromiso coa Agrupación Musical de Goián. O Concello vén de asinar por terceiro ano consecutivo coa Asociación Sociocultural de Goián un convenio de 25.000 euros co que se subvencionará a actividade anual da Escola de Música e da propia agrupación musical.

    A alcaldesa, Sandra González, asinou o convenio coa presidenta da Agrupación Musical de Goián, Pilar Ramos, nun acto celebrado no salón de plenos do Concello ao que tamén asistiron o vicepresidente da AMG, Alexandre Pérez, e o director da agrupación e das bandas de música, Pedro Villarroel.

    O Concello de Tomiño renova este convenio que é de vital importancia tanto para a Escola de Música como para a Agrupación Musical de Goián, xa que se trata dunha fonde de financiación directa que se traduce nunha maior estabilidade. Entre outros aspectos, a través desta axuda financiarase a impartición de clases na Escola de Música, a preparación do alumnado para a súa posterior incorporación aos Conservatorios Profesionais de Música, as audicións trimestrais, a realización de concertos de diversa índole, a realización e organización de eventos culturais no Concello, a organización do Campamento Musical no verán ou a participación en festivais e certames competitivos a nivel provincial, autonómico, estatal ou internacional.

    “A Agrupación Musical de Goián é un elemento esencial en termos culturais no noso concello, cun proxecto consolidado que naceu en 1998 e que enche de cultura e música o noso pobo con actividades de carácter educativo e cultural no ámbito da música”, salientou a rexedora. González recalcou ademais o gran labor que se realiza na Escola de Música, que ofrece clases para todas as franxas de idade a partir dos 3 anos, a nivel individual e colectivo, e que integra distintas agrupacións que son unha peza fundamental dentro da asociación, como a minibanda, a banda xuvenil, a banda de persoas adultas e outros grupos.

    Con 25 anos de historia, a Agrupación Musical de Goián dá a oportunidade a nenos e nenas de mergullarse no coñecemento da música grazas á profesionalidade coa que se traballa na Escola de Música de Tomiño, que ten preto de 150 alumnos e alumnas. Unha actividade apoiada sempre dende o Concello, que realizou as obras de remodelación necesarias no auditorio de Goián para dotar á escola de aulas e espazos de ensaio ou oficinas, así como para mellorar o escenario ou equipamento de son e iluminación das instalacións, entre outros aspectos.

    Co obxectivo de achegar a música clásica e tradicional a toda a veciñanza, fomentar a educación musical e en valores e “achegar o seu gran de area á toda a sociedade”, a Agrupación Musical de Goián conta no seu haber con máis de 500 actuacións e máis de 4.000 horas de formación académica, contribuíndo ao fomento, desenvolvemento, promoción e difusión da música e da formación musical como vehículo de expresión artística e pedagóxica.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.