22.1 C
Pontevedra
Martes, 4 de Outubro de 2022
Máis
    HomeBaixo MiñoTomiñoTomiño rende homenaxe a Suso Montero pola súa implicación social e humana...

    Tomiño rende homenaxe a Suso Montero pola súa implicación social e humana na vida do municipio

    A praza do Seixo ateigouse de veciños e veciñas nun emotivo acto que contou coa presenza de autoridades, familiares, amigos e compañeiras de traballo

    A praza do Seixo ateigouse este sábado durante a celebración do xa tradicional Acto Cívico do Alivio, este ano dedicado a Jesús “Suso” Montero Villar, coñecido e recoñecido pola súa activa implicación social na vida do municipio e polo seu destacado carácter humano, sempre disposto a axudar a todo o mundo de xeito desinteresado.

    No acto estiveron presentes os membros da corporación municipal, alcaldes e alcaldesas da comarca, autoridades e representantes dos corpos de seguridade, homenaxeados en anos anteriores, amigos, familiares e unha multitude de veciños e veciñas que arrouparon ao homenaxeado nunha emotiva xornada.

    A gala, presentada polo actor e locutor Suso Pando, puxo en valor a figura do “Suso do INEM”, veciño incansable no seu labor asociativo e social. Nado en Castrelo de Miño no 1954 e veciño de Tomiño logo de casar coa súa muller, Mari, Suso foi membro das comisións de festas de San Blas durante dúas décadas e da Nosa Señora, participou na traída de augas de Vilar e na directiva da Comunidade de Montes de Tomiño, na que segue activo. Tamén destacou polo seu labor no deporte, sendo membro da directiva do Tomiño F.C. e promotor do Tomiño F.C. Feminino.

    Na súa intervención Suso non deixou de agradecer a presenza de todos e todas as asistentes “a quen lles gustaría poder saudar un por un”, ademais de lembrar a toda a xente que pasou polo ultramarinos que rexentaban seus pais cando era un cativo e que deixaron unha forte impronta nel. Tamén tivo palabras para lembrar a un dos seus íntimos amigos da infancia tristemente falecido ese mesmo día, o pediatra Juan Luis Villalón Rios, compañeiro co que estudou no colexio dos Maristas. Un papel destacado reservou nos seus agradecementos para a súa muller, Mari, un piar fundamental na súa vida. “Sempre ocupada nos labores domésticos, coidando do pai, logo dos irmáns, logo dos fillos, logo dos netos… e sempre de min”, declarou.

    “Gratitude e recoñecemento por parte de toda a veciñanza de Tomiño” foron as palabras da alcaldesa Sandra González cara ao homenaxeado, a quen recoñeceu como “un dos imprescindibles nunha sociedade que aspira a ser mellor, amable e xenerosa cos seus veciños e veciñas”. Montero tamén destacou durante toda a súa vida polo seu marcado carácter humano e solidario, sempre disposto a axudar a todo o mundo, resolvendo dúbidas e asesorando a quen o precisou en multitude de xestións nunha época na que Internet e o acceso á información non eran tan asequibles como na actualidade.

    A rexedora relatou o difícil que fora convencer “ao Suso” de que a homenaxe deste ano tiña que ser para el, xa que non entendía o por que do recoñecemento. “Pedinlle que o pensara, e que saíra a rúa e lle preguntara á xente se o merecía ou non. A proba de que é así témola hoxe aquí, con esta praza ateigada de veciños e veciñas que así o cren”, declarou.

    A cerimonia contou tamén coa actuación previa da Treboada Baixo Miño e estivo amenizada pola Agrupación Musical de Goián, a cal ofreceu un concerto unha vez finalizado o acto.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS