6.4 C
Pontevedra
Martes, 5 de Decembro de 2023
Máis
    HomeBaixo MiñoTomiñoTomiño consolida o seu innovador programa Encaixa-T

    Tomiño consolida o seu innovador programa Encaixa-T

    Tomiño segue traballando para ser un referente en políticas de infancia e adolescencia. O Concello vén de aprobar en pleno a renovación do convenio con Aldeas Infantís SOS de Galicia para consolidar o programa Encaixa-T, un innovador proxecto posto en marcha o curso pasado para atender á infancia dun xeito integral recollendo as necesidades de apoio escolar e psicosocial, de atención psicolóxica e de apoio ás e aos familiares de referencia para que nenos e nenas poidan vivir de forma integrada e feliz na súa contorna.

    Tras o bo funcionamento do primeiro ano, o Concello segue a apostar por esta iniciativa que converte a Tomiño nun centro de proximidade grazas á colaboración do Servizo de Educación e Apoio á Familia (SEAF) municipal e os Grupos de Atención de Proximidade (GAP) de Aldeas Infantís. Rapaces e rapazas de 6 a 17 anos poden participar neste programa que emprega unha metodoloxía innovadora, con actividades socioeducativas que se desenvolven na Aula Estudo e con sesións psicoterapéuticas que se realizan nas instalacións dos Servizos Sociais municipais.

    O equipo está integrado por una educadora social, una psicóloga e pola coordinadora dos GAP, que traballan en estreita colaboración coa técnica responsable do SEAF do concello. “Apostamos por atender á nosa infancia e adolescencia dun xeito integral, coordinando recursos e fomentando sinerxías para prestar un servizo moi necesario”, explica a alcaldesa, Sandra González, que salientou a importancia de crear este espazo socio-comunitario no que atender ás necesidades da rapazada e das súas familias achegando recursos sen que teñan que desprazarse e facilitando a superación daquelas situacións que supoñen una brecha na igualdade de oportunidades.

    O concelleiro de Benestar Social, Rubén García, salienta ademais a relevancia de contar cun programa como o Encaixa-T nun momento no que a atención psicolóxica pública segue a ser deficiente, xa que permite “poñer remedio a problemas que se poden facer crónicos e que desta maneira se atallan nunha idade temperá, permitindo que nenos e nenas acaden unha integración plena e unha oportunidade para vivir nunha contorna mellor, máis segura e feliz”.

    LIBROS

    Amador Castro Moure, «Pronto hei de volver»

    A emigración, como non podía ser doutra maneira, é un deses temas aos que a literatura galega volve unha e outra vez. Dende distintas perspectivas e con diferentes enfoques e intencións, forma parte troncal do noso sistema literario dende o momento en que comezou a tomar forma.

    Xosé M. Eyré, «Ou as dúas estaredes mortas»

    Moito temos falado neste mesmo espazo dos cada vez máis difusos lindes entre xéneros literarios; de como novela e relato –tamén a poesía ou o teatro– semellan lidar pola posesión de espazos que tradicionalmente lles eran alleos e que pretenden converter en propios, alimentando así unha fusión que, no fondo, non deixa de ser a procura de novas vías de expresión aínda non transitadas.

    Raquel Castro, «Sobremesas sobre versos»

    Dende fai xa varios anos, Raquel Castro é unha das habituais na literatura infantil galega, pero a maioría dos seus traballos publicados enfocábanse cara ao mundo do teatro para nenos, onde deixou pezas de excelente facturación.