16.6 C
Pontevedra
Venres, 14 de Xuño de 2024
Máis
    HomeBaixo MiñoTomiñoO PSOE de Tomiño esixe solucións ante a praga de moscas que...

    O PSOE de Tomiño esixe solucións ante a praga de moscas que invaden as parroquias e que supón “un grave problema de saúde”

    O grupo municipal socialista de Tomiño volve a denunciar, unha vez máis, o que cualifica de “gravísima situación de saúde pública” que está a padecer a veciñanza do concello a causa da praga de moscas que, dun tempo a esta parte, invade as parroquias tomiñesas.

    Veciños e veciñas da parroquia de Forcadela puxéronse en contacto coa concelleira socialista, Violeta de Santiago, para dar conta da situación que están a vivir nas súas casas que, explica a portavoz socialista no Concello de Tomiño, “está afectando seriamente o seu día a día e a súa calidade de vida e que supón un risco evidente para a súa saúde”.

    Violeta de Santiago, esixe “respostas e accións” ao Goberno municipal nacionalista que, afirma, “está desaparecido e non actúa neste grave problema”. Pregunta a concelleira do PSdeG-PSOE que pasa co estudo encargado á Universidade de Vigo. “Estáse traballando nel?, hai conclusións? Se as hai cal é o motivo de no facelas públicas e actuar para atallar esta invasión?”, pregunta De Santiago.

    Lamentan as e os socialistas tomiñeses que “nada se sabe” da mesa de traballo que foi constituída hai tres meses, en campaña electoral. A portavoz socialista asegura que a veciñanza “está farta de anuncios electoralistas que non achegan solucións aos seus problemas” e asegura que a cidadanía ten dereito demanda do Goberno local “información, transparencia e acción”.

    Por último, as socialistas lembran á alcaldesa de Tomiño que baseou a súa campaña electoral en que “as persoas estarían no centro da acción política e que poría corazón”, algo que para Violeta de Santiago “nin o está facendo nin demostrando” xa que esta praga está afectando moi seriamente ás persoas “que demandan solucións e que se sinten abandoadas por este Goberno”, polo que lle esixen que “se poñan a traballar e que deixen de darlle as costas ás veciñas e veciños”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.