A maxia do Nadal desembarca en Tomiño a vindeira semana. Da man de Cayetano Lledó, o primeiro andar do Mercado municipal converterase nun escenario único para o novo espectáculo desde mago internacional que mestura o ilusionismo co humor para conquistar ao público.
Trátase dunha proposta pensada para todos os públicos, nenos, nenas e maiores, aos que Lledó encantará ao público cun entretido espectáculo no que os xogos de ilusións de sempre se mesturará cunha escolma de técnicas innovadoras para experimentar en familia.
O espectáculo comezará ás 11.30 horas e será de balde ata completar aforo. O evento forma parte das actividades programadas polo Concello de Tomiño “para que a veciñanza goce desta época tan sinalada non só cunha morea de actividades gratuítas para todos os públicos, animando á veciñanza a desfrutar deste tempo de lecer e saír á rúa a vivir o noso municipio”.
