13.3 C
Pontevedra
Martes, 21 de Maio de 2024
Máis
    HomeBaixo MiñoO RosalO Rosal prepara un verán de lecer para toda a infancia do...

    O Rosal prepara un verán de lecer para toda a infancia do municipio

    O martes 14 de maio ás 09.00 horas abre o prazo de inscrición para participar no campamento de verán municipal que contará con 40 prazas e, por primeira vez, poderase solicitar por quincenas

    O Rosal prepara unhas vacacións estivais cheas de lecer para nenos e nenas. O Concello abre ás 09.00 horas do vindeiro martes 14 de maio o prazo de inscrición no campamento de verán municipal para cativada matriculada durante o curso 2023/2024 en educación infantil ou educación primaria que estean empadroados no Rosal ou que o seu pai, nai, titor ou titora traballe ou posúa un negocio no municipio.

    Trátase dun programa de actividades para os meses de xullo e agosto co que o Concello quere “permitir ás rosaleiras e rosaleiros conciliar a vida familiar e laboral ofertando actividades educativas e lúdicas coas que dinamizar o tempo libre de rapazas e rapaces durante as vacacións estivais e facelo dun xeito divertido e ameno, nunha contorna enriquecedora e fomentando o seu desenvolvemento e crecemento persoal”, explica a alcaldesa, Ánxela Fernández Callís.

    O campamento desenvolverase na Escola de Marzán durante os meses de xullo e agosto e contará cun total de 40 prazas, 30 delas de luns a venres de 09.00 a 14.00 horas e outras 10 en horario de 08.00 a 15.00 horas. De todas estas prazas, 5 serán reservadas para inclusión.

    Como novidade, o campamento municipal contará este ano coa posibilidade de inscribirse por quincenas, facilitando así que nenos e nenas poidan compaxinar esta actividade con outros campamentos que se organizan no Rosal. Así, poderase solicitar a participación os dous meses completos, un só mes ou por quince días seleccionando as quendas que se precisen: do 1 ao 14 de xullo, do 15 ao 31 de xullo, do 1 ao 18 de agosto ou do 19 ao 31 de agosto.

    O prezo por persoa será de 100 ou 125 euros ao mes, dependendo do horario solicitado na inscrición. En caso de solicitar quincenas o prezo será de 60 ou 70 euros por persoa, dependendo do horario de entrada e saída sinalado na inscrición.

    As persoas interesadas en reservar praza poderán presentar a súa solicitude ata o 31 de maio presencialmente no Rexistro do Concello de 09.00 h a 14.00 horas ou por Sede Electrónica. Entre a documentación a achegar, deberase presentar a solicitude de participación, a autorización de recollida da ou do menor, o cuestionario de saúde ou autonomía persoal, a fotocopia do DNI do pai/nai/titor/titora, a fotocopia do libro de familia, a fotocopia da tarxeta sanitaria e vida laboral actualizada, así como certificados específicos de discapacidade da persoa participante, familia monoparental, famillia numerosa ou de traballar ou posuír un negocio no Rosal en caso de precisalo.

    O Concello elaborará unha listaxe de persoas adxudicatarias das prazas, así como unha listaxe de reserva. No caso de renuncia, a lista de agarda irá correndo segundo orde numérica.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.