21.5 C
Pontevedra
Venres, 19 de Abril de 2024
Máis
    HomeBaixo MiñoO RosalO 4 de febreiro e o 1 de marzo de 2022, festivos...

    O 4 de febreiro e o 1 de marzo de 2022, festivos locais no Rosal

    As datas aprobaranse en pleno este venres 1 ás 19.00 h no Centro Social Polivalente

    O Concello do Rosal aprobará este venres 1 de outubro en pleno a declaración das festividades locais para o vindeiro 2022. A primeira das datas elixidas como festivo para o próximo ano será o venres 4 de febreiro, coincidindo co Día Mundial contra o Cancro.

    Ademais, como vén sendo tradicional no municipio, os rosaleiros e rosaleiras tamén desfrutarán como día festivo do Martes de Entroido, que se celebrará o vindeiro 1 de marzo.

    Nesta ocasión, o pleno do Rosal decidiu cambiar o seu día habitual de celebración para que toda a veciñanza puidera asistir á manifestación en defensa da sanidade pública de Vigo. Por este motivo, en lugar de ter lugar onte xoves 30, desenvolverase este venres 1 de outubro a partir das 19.00 horas no Centro Social Polivalente.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.