14.6 C
Pontevedra
Domingo, 25 de Febreiro de 2024
Máis
    HomeBaixo MiñoO RosalEvolución positiva da situación epidemiolóxica no Rosal, con só 10 casos activos

    Evolución positiva da situación epidemiolóxica no Rosal, con só 10 casos activos

    Sanidade suspende as reunións semanais ao levantarse as medidas restritivas. O Concello seguirá trasladando calquera información oficial da que dispoña

    O Concello do Rosal destaca a evolución positiva da situación epidemiolóxica do municipio, que nos últimos días como descendía paulatinamente o número de casos activos de COVID-19. Segundo os últimos datos facilitados pola Consellería de Sanidade, nestes intres só quedan 10 casos positivos no concello. Recordamos que se consideran casos activos o de aquelas persoas que tendo o seu médico de cabeceira adscrito ao centro de saúde do Rosal deran positivo na proba PCR e aínda non recibiron a alta médica.

    Esta evolución positiva permitiu que Sanidade levantara o pasado sábado 19 de setembro no Rosal as medidas restritivas decretadas para frear a expansión da COVID-19. Ao saír da zona de restricións a Consellería suspende as reunións semanais programadas co Rosal para facilitar información actualizada da situación no municipio. Non obstante, dende o Concello seguirase trasladando á veciñanza calquera información oficial que transmitan as autoridades sanitarias.

    Pola súa banda, a alcaldesa, Ánxela Fernández Callís, destaca a importancia da rápida mellora dos datos no Rosal e da redución de casos positivos, pero fai un chamamento á responsabilidade e a cumprir as medidas “de xeito tan exemplar como ata o de agora”. “Debemos ser conscientes da nosa vulnerabilidade e de que estes brotes e contaxios puntuais forman xa parte da nosa vida cotiá. Por iso, pola saúde de todos e todas, é momento de redobrar esforzos e extremar as medidas de precaución”, salienta.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.