11.4 C
Pontevedra
Domingo, 26 de Marzo de 2023
Máis
    HomeBaixo MiñoO RosalEn funcionamento as liñas de transporte público que darán servizo ao alumnado...

    En funcionamento as liñas de transporte público que darán servizo ao alumnado do Rosal que estuda no IES A Sangriña

    Os mozos e mozas poderán desfrutar por primeira vez desta conexión adaptada aos horarios do centro, xa que o curso pasado o bacharelato impartiuse en horario de tarde por mor da pandemia

    O alumnado rosaleiro que cursa os seus estudos de bacharelato e ciclos formativos no IES A Sangriña da Guarda poderá desfrutar por primeira vez de liñas de transporte público de autobús que conecten os dous concellos coincidindo coas horas de entrada e saída do instituto, centro de referencia prioritario para os mozos e mozas do Rosal. Estas liñas, que xa se puxeron en marcha en decembro do pasado ano 2020, non chegaron a prestar o servizo para o que se reivindicaban, xa que por mor da pandemia as clases de bacharelato impartíronse en horario de tarde, o que fixo imposible que o alumnado as empregara para os seus desprazamentos.

    Por un lado, a ruta A Guarda–Pancenteo–O Rosal–Pías–A Guarda ofrecerá un percorrido circular con horario de ida durante todo o ano de luns a venres con ida ás 07.35 h e volta ás 14.00 h e durante a época lectiva os luns con ida ás 15.15 h e volta ás 17.40 horas. Esta liña para na Guarda, no IES A Sangriña, Castro, Pintan, A Cunchada, Pancenteo, Marzán, Novás (Barrosa), Novás, Martín, Viso dos Eidos, Fornelos, O Rosal (Caselas), O Rosal – Concello, A Mata, Cumieira, San Miguel, Pías, A Gándara e xa A Guarda e o centro educativo.

    O alumnado rosaleiro tamén contará coa liña que fará o percorrido IES A Sangriña–San Xián – Oia–Pedornes–Burgueira–Loureza. Esta ruta estará en funcionamento soamente durante a tempada lectiva con ida de luns a venres ás 14.05 horas e os luns ás 17.45 horas e con volta de luns a venres ás 07.25 horas e os luns ás 15.05 horas.

    Co obxectivo de mellorar o servizo de transporte público tendo en conta as necesidades dos rosaleiros e rosaleiras, o Concello do Rosal presentou xa en 2019 varias alegacións ao anteproxecto de explotación do Servizo Público de transporte regular de uso xeral de viaxeiros por estrada da Xunta, integrado no Plan de Transporte Público de Galicia para a comarca do Baixo Miño. Neste anteproxecto non se contemplaba a implantación dunha liña de transporte público que puidera ser de utilidade para o alumnado do Rosal que cursa o seus estudos non obrigatorios no IES A Sanguiña. Ademais, presentou ante a Xunta un informe con algunha das problemáticas aínda existentes, xa que a pesar de que as rutas dan servizo ao alumnado que estuda no IES A Sangriña da meirande parte do municipio, estas non chegan ata as parroquias de San Xoán de Tabagón e As Eiras.

    Desde o Concello seguirase reclamando a necesidade dunha mellora do transporte público diante do órgano competente que é a Xunta de Galicia

    COLABORACIÓNS

    Miguel Sande, «Brinde e desespero»

    Miguel Sande está a presentar o seu novo poemario, «Brinde e desespero», co que recentemente acadou o XXV Premio Johan Carballeira. Xa falamos noutras ocasións neste mesmo espazo de como se están a diluír a cotío as xa febles liñas que separan os distintos xéneros literarios. «Brinde e desespero» é unha proba máis pois, a pesar da súa inequívoca cadencia lírica, Sande xoga a brincar con habilidade sobre as lindes da poesía para adentrarse no terreo da narrativa e darlle forma a unha prosa poética ben particular.

    Arantza Portabales, «O home que matou a Antía Morgade»

    Abad e Barroso chegaron un día para quedar, para alternar con Leo Caldas, Frank Soutelo e algúns dos outros detectives de referencia da literatura galega dos últimos anos.

    “Nigeria 70”, una trilogía para escuchar

    El Sello inglés Strut nace a finales de los 90. En el año 2008 es adquirido por el Sello !K7 Music, con sede en Berlín, Londres y Nueva York. Strut tiene como misión desenterrar las joyas perdidas del pasado de la música de baile.

    Xosé Monteagudo, «Vémonos mañá»

    Realidade e ficción conflúen na última proposta narrativa de Xosé Monteagudo, «Vémonos mañá», na que presenta o que poderiamos considerar unha dupla biografía novelada.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    81 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    6 POSTS0 COMMENTS
    Avatar
    1 POSTS0 COMMENTS