12.5 C
Pontevedra
Domingo, 29 de Xaneiro de 2023
Máis
    HomeBaixo MiñoO RosalA Deputación inicia as obras da senda peonil na EP-3302 no Rosal

    A Deputación inicia as obras da senda peonil na EP-3302 no Rosal

    O sendeiro, cun investimento superior aos 178.000 euros e un prazo de execución de 5 meses, terá unha lonxitude de medio quilómetro e conectará os núcleos de Valdemiñotos e San Miguel de Tabagón

    O goberno provincial de Carmela Silva ven de iniciar as obras de mellora da mobilidade peonil na Estrada Provincial 3302 no Rosal, que teñen como obxectivo central a construción dunha senda que conectará os núcleos de Valdemiñotos e San Miguel de Tabagón e nas que a institución provincial investirá un orzamento de 178.743,39 euros.

    Máis polo miúdo, a nova senda peonil construirase en formigón coloreado e o seu trazado transcorrerá paralelo á marxe esquerda da devandita estrada nun treito de 575 metros, en concreto desde o punto quilométrico 1+365 ao 1+940. Así, a senda conectará o núcleo de Valdemiñotos co punto anterior ao paso elevado que da acceso ao núcleo de San Miguel de Tabagón. Deste xeito, establécese un itinerario peonil segregado do tráfico rodado como alternativa de mobilidade máis segura para as veciñas e veciños.

    As obras, que foron adxudicadas á empresa Oresa, xa están en marcha e teñen un prazo de execución de cinco meses. Do orzamento final, o departamento de Infraestruturas da Deputación asume o 80% do coste (142.994,71 euros) e a financiación completouse con 35.748,68 euros, correspondentes ao Plan Concellos 2018.

    Os traballos inclúen tamén a mellora da drenaxe lonxitudinal mediante cunetas de formigón e zona entubada na Estrada Provincial, que recollerán as augas procedentes do exterior do viario. Por último, está prevista tamén a preinstalación dun futuro alumeado público.

    COLABORACIÓNS

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Árbol de Navidad relleno de chocolate

    Aunque estas fechas tienen sus dulces típicos, no a todo el mundo le gustan los turrones, polvorones y demás. Lo que casi con seguridad gusta a todo el mundo (y sobre todo a los peques) es el chocolate y este postre une la Navidad y el chocolate de una forma muy muy sencilla.

    Isabel Blanco, «Bambú»

    Xa comentamos nalgunha ocasión neste mesmo espazo que os límites entre xéneros literarios estanse a difuminar de maneira progresiva e que os autores e autoras contemporános pescudan sen apuro nese terreo bretemoso que son as lindes entre narrativa, teatro e poesía.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    77 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    5 POSTS0 COMMENTS
    Avatar
    1 POSTS0 COMMENTS