O IX galardón “Síntete Covelo” recoñecerá a traxectoria de Joaquín Vales Piña e Xabi Gómez Lorenzo. Será mañá sábado día 23 de decembro no auditorio municipal de Covelo ás 18 horas. Ao remate da entrega de premios que recoñece o espírito emprendedor a a importancia na industria tradicional da familia Vales e os logros deportivos de Xabi Gómez o público presente poderá gozar da actuación de Uxía, Sergio Tannus e Santiago Cribeiro cos seus Cantos e Contos de Nadal.
O trío formado por Uxía (voz e percusión), Sèrgio Tannus (guitarra, viola caipira, cavaquiño e percusión de man) e Santiago Cribeiro (acordeón) ofreceranos un fermoso concerto para público familiar con repertorio propio do Nadal no que coñecer panxoliñas tradicionais e outras de nova creación que convidamos a aprender para despois cantar nos vosos fogares
Uxía Senlle é unha das voces máis populares e valoradas da lingua galega. As súas cancións teñen sempre a presenza da música tradicional fusionado con sons, cantos, ritmos e distintas culturas do mundo.
Desde o seu debut con Foliada de Marzo en 1986 ao grupo Na Lúa ea unha traxectoria en solitario marcada pola mestizaxe e pola aprendizaxe continua, Uxía promoveu tamén a creación de grupos de cantareiras como Malvela ou Cantadeiras do Berbés e participou en numerosas experiencias musicais con artistas da talla de Tito Paris, Jessie Norman, Dulce Pontes, Noa, João Afonso ou Chico César, entre outros.
Salienta tamén o seu labor como productora musical en discos como “Vida Miña” e “Interior” de Emilio Rúa, “Na Flor dos meus anos” de Señora Carmen e Malvela, publicados por Malvela, e “A nena e o grilo” de Magín Blanco para a Editorial OQO.
Sergio Tannus é un músico autodidacta, en activo desde os 14 anos en varios xéneros musicais como rock progresivo, blues, heavy, bossa, samba, chorinhos e recentemente, música galega. Desde 2006 vive en Santiago de Compostela e colaborou con múltiples artistas do mundo dá lusofonía, como Uxía Senlle, Antonio Zambujo, Carlos do Carmo, Mozo César, Lenine, João Afonso, Doce Pontes, Magín Blanco; en proxectos como Maria Fumaça e CoraSons e nos festivais Cantos na Maré, Festigal e Ou mar nunha flor, entre outros.
Santiago Cribeiro, a súa longa listaxe de premios recibidos e de traballos publicados reforzan ese privilexio de telo hoxe en Covelo. Estudou nos Conservatorios de música da Coruña e Santiago de Compostela. Malia a que se formou academicamente como pianista, o seu instrumento predilecto sempre foi o acordeón. Comezou a tocar dende bastante novo con Debadoira, grupo de música tradicional da súa vila, Cedeira. Máis adiante trasládase a Vigo onde se integra no Grupo didáctico de Instrumentos Populares da Universidade Popular de Vigo. A comezos da década dos 90 cofunda Matto Congrio con, entre outros, Anxo Pintos, Isaac Palacín e Carlos Núñez. En 1995 é un dos cofundadores de Berrogüetto. Tamén ten colaborado con Uxía Senlle, A Banda das Crechas, Fuxan os Ventos ou Anubía.
Ao remate do concerto o Concello ofrecerá un petisco nas salas de usos múltiples ao carón do auditorio e así compartir un brinde de nadal.
