O Concello de Covelo convida a toda a veciñanza a participar na edición especial “magosto” da mostra de produtos de Covelo, Como cada primeiro sábado de mes o Concello de Covelo acolle unha cita cos produtos de proximidade, coa artesanía e coa boa gastronomía local.
Este sábado día 5 de 10 a 14 horas na praza Mestre Cerviño gozaremos dunha nova cita coa mostra de artesanía na que poderemos atopar produtos téxtiles, xoiería, prantas, decoración, cerámica polimérica, cosmética natural, pan artesán, cervexa artesán, horta ecolóxica, cestería, pintura, maquetería, helicicultura, instrumentos musicais de madeira, xoguetes, libros e un sinfín de produtos de primeira calidade.
Completa a oferta os postos de segunda man nos que, previa petición ao Concello, as persoas poden vender aqueles artigos que xa non precisen.
A partir das 12 horas haberá un obradoiro infantil para crear caveiras móbiles e seguir festexando o Samaín.
