O Concello de Covelo celebra a Festa da Bicicleta este sábado día 12 ás 19:30 horas. Con saída na praza Mestre Cerviño do centro urbano poderán participar todas as persoas que así o desexen sen mediar inscrición previa.
Organizada co apoio da Deputación de Pontevedra, ao remate do percorrido sortearanse múltiples agasallos, entre eles unha bicicleta e distintos artigos deportivos. Ademais, haberá dúas bicicletas adaptadas para persoas con necesidades específicas.
O Concello adianta que será obrigatorio o uso de casco e convida a todas as persoas a participar nun percorrido que procura non só o encontro entre a veciñanza, tamén a promoción de hábitos de vida saudable e o coñecemento dalgúns recunchos da contorna do centro urbano.