11.4 C
Pontevedra
Venres, 30 de Setembro de 2022
Máis
    HomeA ParadantaCoveloO sábado 7 de maio, nova cita coa Mostra de Produtos de...

    O sábado 7 de maio, nova cita coa Mostra de Produtos de Covelo na praza Mestre Cerviño

    Este sábado 7 de maio e despois de máis de corenta anos, volve o fotógrafo minuteiro á praza Mestre Cerviño. O fotógrafo, artista, profesor e veciño de Covelo, Ángel Borrué, homenaxeará ao pai deste máxico invento, o fotógrafo barcelonés Juan Cantó y Mas, e retratará ás xentes e visitantes de Covelo que pasen este sábado pola Mostra de Produtos.

    Como cada primeiro sábado de mes, Covelo celebrará a súa feira de produtos ecolóxicos e de proximidade e nela daranse cita produtores e vendedores de toda a comarca. Produtos téxtiles, macramé, artesanía, decoración, cestería, cosmética natural, xoiería, horta ecolóxica, pan artesán, maquetería, libros, prantas, xoguetes, cerámica e un longo etc de xéneros dispostos a atraer e satisfacer aos visitantes.

    Trasladámonos a finais do século XIX

    A novidade deste sábado vén da man de María e Ángel que, ademais do seu posto de libros, ofrecerán a oportunidade única de fotografarse ao estilo do século XIX. O 12 de novembro de 1887 Juan Cantó y Mas, fotógrafo de Barcelona e fillo do tamén fotógrafo Juan Cantó y   Esclús, patentaba o primeiro aparello de fotografía automática co nome de Báscula fotográfica automática, precedente do  Photomaton. Foi o primeiro no mundo en idear un automatismo fotográfico que funcionaba mediante a introdución dunhas moedas e sería a primeira vez que se integra unha máquina, a cámara e o laboratorio fotográfico.

    Daquela era unha moeda de dez céntimos a que accionaba o aparello fotográfico nos lugares turísticos, hoxe Ángel recupera este oficio tradicional case extinguido dende os anos 70 para amosalo en Covelo

    Ademais, nesta edición volverán os obradoiros para os máis pequenos e pequenas da casa e  o domingo os roteiros guiados con Julio Eiroa que, nesta ocasión, chegará á Poza Piñeiro. Todas as persoas interesadas en participar poden inscribirse no número de teléfono 654 500 652.

    A Mostra de Produtos de Covelo conta co apoio da Deputación de Pontevedra e celébrase de xeito estable cada primeiro sábado de mes posibilitando un espazo de feira no que tamén se pode degustar a gastronomía local e logo partir para percorrer as múltiples rutas de sendeirismo e descansar nas casas e hoteis rurais que ofrece Covelo.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS