13.6 C
Pontevedra
Xoves, 18 de Agosto de 2022
Máis
    HomeA ParadantaCoveloO goberno de Covelo encarga traballos de limpeza e conservación do cruceiro...

    O goberno de Covelo encarga traballos de limpeza e conservación do cruceiro de ánimas do Santo Cristo dos Aflixidos

    O Concello de Covelo encarga os traballos de limpeza e conservación do cruceiro de ánimas do Santo Cristo dos Aflixidos. Esta intervención conta co apoio da Deputación de Pontevedra que aportará unha achega de 9.034,44 euros sendo o total do importe de 11.519,20 €.

    O alcalde de Covelo, Pablo Castillo, explica que o obxectivo fundamental da intervención é suprimir ou minimizar os factores de alteracións actuais e previr, no posible, os futuros. “A actuación que se propón permitirá documentar e valorar o estado real de conservación do monumento e realizar intervencións conservadoras mínimas, que freen os factores de alteración existentes pero que non impliquen un cambio substancial no aspecto que o monumento foi adquirindo co paso do tempo”.

    Trinta e cinco anos despois da súa última restauración unha empresa especializada deberá proceder ás delicadas actuacións nas que se deben contemplar aspectos como a orientación, a climatoloxía da zona, a colonización biolóxica, o vento, o efecto da auga, as accións dos cloruros e as formas de degradación dos granitos, entre outros moitos aspectos.

    Tres especialistas traballarán durante case un mes na eliminación de plantas, musgos e depósitos superficiais, no saneado das xuntas, no rexuntado, no tratamento de limpeza en húmido do granito e da serpentinita, no lavado de elementos metálicos, pegado de pezas soltas e revisión das pezas pegadas e reconstruídas na intervención anterior.

    O tratamento do peto das ánimas será obxecto da eliminación de niños de insectos, da fixación de escamas de pintura por inxección de resinas e protección de policromía entre outras accións.

    O cruceiro de ánimas do Santo Cristo dos aflixidos está incluído no  catálogo do Plan Básico Autonómico de Patrimonio Cultural e detenta un nivel e protección integral.

    Segundo os expertos constitúe un claro exemplo do que a Unesco define como Patrimonio Etnográfico, é dicir é unha creación dunha comunidade cultural, fundada na tradición, expresada por un grupo de individuos e que reconocidamente responde ás expectadvas da comunidade en canto a expresión da súa idenddad cultural e social.

    Unha ollada histórica

    Foi custeado por D. Juan Antonio Tielas Fontán, veciño de Covelo ( Castro), doado dende a morte prematura da súa filla. Na súa construción únense a fe, a dor, a aflición, o amor e a

    esperanza da familia de Tielas Fontán.

    A súa cronoloxía tardía pon de manifesto o raizame do cruceiro como elemento de idenddade dos lugares, onde se conxuga a función relixiosa, protectora e sacralizadora dun determinado lugar, coa función udlitaria de guía e sinal das encrucilladas, neste caso tamén encrucillada vital.

    O criterio de intervención se xustifica nas recomendacións realizadas desde ámbitos internacionais, a través das Cartas do Restauro, documentos doctrinales de ICOMOS e nas

    directrices procedentes do IPCE sobre os criterios de intervención en materiais pétreos.

    Engaden os expertos responsables do proxecto que se conservarán os morteiros orixinais ou de reposición en bo estado que non sexan portadores de sales solubles, e mesmo aqueloutros cuxa eliminación implique danos no material orixinal. A elección dos materiais de restauración basearase na súa reversibilidade e eficacia, sen que alteren os compoñentes da obra, pouco agresivos co medio ambiente e coa saúde dos técnicos que os manexan.

    COLABORACIÓNS

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Galicia

    Onte, 25 de xullo, celebrouse na nosa comunidade o día da patria galega, polo que esta publicación vai adicala a ela. Este día festéxase oficialmente dende 1979, ainda que a orixe desta celebración remóntase a 1919.

    Un tour por Marruecos

    He estado un poco desaparecida, pero aquí estoy de nuevo 🙂 En mayo viajé junto con cuatro amigas a Marruecos, hicimos una escapada durante el puente de las Letras Galegas. Fue breve, pero intensa. Nos dió tiempo a aprovechar muy bien esos cinco días y a conocer un trocito de ese país tan especial.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    67 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS