O Concello de Covelo procederá á realización de obras de mellora no cemiterio municipal de San Salvador de Prado, así o informou o seu alcalde, Pablo Castillo. O cemiterio, ubicado no lugar da Costiña en As Cabazas foi construído en 1880 e no ano 1990 incorporou un panteón central en altura, entre outras reformas. Na actualidade, e froito do desgaste do paso do tempo, cairon algunhas das pezas de granito que estaban fixadas no panteón central, motivo polo que o Concello de Covelo procederá a súa substitución nas vindeiras semanas.
Co obxectivo de mellorar a seguridade no camposanto e evitar unha maior degradación, o Concello de Covelo executará obras por valor de 6.997,61€ financidadas con fondos propios permitindo unha mellora continua dos servizos públicos municipais.
O Concello intervirá no panteón central, de 13,50 m de largo x 5,10 m de profundidade, reparando o acabado exterior, mediante rexuntado entre pezas con morteiro hidrófugo, subministro e colocación de pezas de granito, similares ás existentes.
