Facilitar a conciliación familiar e laboral foi o obxectivo dunha nova edición do Campus Multideporte do Concello de Covelo. Trinta nenos participaron durante todo o mes de xullo nas diferentes actividades ofertadas.
Cada mañá, de 10 a 14 horas, desfrutaron de xogos, rutas, diferentes deportes, obradoiros, saídas e refrescáronse na piscina municipal.
Na procura constante de ofrecer máis e mellores servizos públicos o alcalde, Pablo Castillo, explica que é unha prioridade para o goberno local ofertar todos os servizos posibles na localidade para facilitar o día a día da veciñanza e, ademais, facer posible que novas familias poidan apostar por Covelo.