A concelleira de Emprego e Formación do Concello de Covelo, Lourdes Enes, e a concelleira de Igualdade, María José Valiñas, entregaron os diplomas do curso de carretilleiro, impartido dentro de programación do VII Plan de Formación do Concello de Covelo, un documento deseñado de xeito transversal entre as dúas concellerías para a promoción da inserción laboral con especial atención á formación das mulleres.
Do 16 ao 18 de outubro e cunha duración de quince horas desenvolveuse este curso de operador de carretillas elevadoras cun horario de tarde de 15:30 a 20:30 e con clases teóricas no auditorio municipal e clases prácticas con exercizos e cun circuíto dentro do punto limpo do Concello.
No marco deste sétimo plan desenvolvéronse no mes de outubro tres novos cursos íntegramente no concello de Covelo para evitar os desprazamentos e facilitar a participación e un nas instalacións de APETAMCOR no Porriño para obter o permiso de condución ADR básico e cisternas para o que peche o prazo de inscrición mañá día 20.
Por outro lado no marco do III Plan Municipal de Igualdade de Oportunidades entre homes e mulleres do Concello de Covelo ofertouse para as mulleres maiores de 29 empadroadas no concello seis prazas para obter os carnés de conducir B, C e CAP.
