16.2 C
Pontevedra
Luns, 16 de Maio de 2022
Máis
    HomeA ParadantaCoveloCovelo urxe ao Ministerio de Transporte a conexión coa A-52 dirección Madrid

    Covelo urxe ao Ministerio de Transporte a conexión coa A-52 dirección Madrid

    Os concellos reclaman a necesidade da incorporación de vehículos en sentido Vigo-Ourense e a saída de vehículos en sentido Ourense-Vigo

    O alcalde de Covelo, Pablo Castillo, a través do seu grupo parlamentario no Congreso, traslada ao Ministerio de Transportes, Mobilidade e Axenda Urbana a inmediata redacción do proxecto que posibilite a conexión coa A-52 en Lentille na saída 282.

    Logo da reunión mantida entre o alcalde, a vicepresidenta segunda do Congreso dos Deputados, Ana Pastor, o senador Javier Guerra e os deputados Juan Constenla e Javier Bas, o grupo parlamentario do PP levará ao Congreso unha proposta non de lei que dea resposta a esta histórica demanda dos concellos de A Cañiza, As Neves, Covelo, Mondariz e Mondariz Balneario.

    Os parlamentarios populares trasladarán a necesidade da incorporación de vehículos en sentido Vigo-Ourense e a saída de vehículos en sentido Ourense-Vigo e instan ao Ministerio a redactar nun prazo non superior a seis meses o proxecto e consignar a correspondente dotación económica para iniciar o proceso de adxudicación e execución das obras na maior brevedade posible.

    No ano 2019, os alcaldes destas localidades enviaron unha carta conxunta ao Ministerio de Fomento onde pedían unha solución inmediata a este problema xa que, ao carecer desa entrada e desa saída, a veciñanza vivía continuas perdas de tempo e un elevado risco de accidentes por ter que percorrer, como alternativa, ao redor de 20 Km pola  N120 na que con moita frecuencia hai néboas animais soltos e neve e xeada no inverno.

    A contestación recibida polos alcaldes foi que, no ano 2016, Fomento aprobara unha Orde de Estudo para a realización dun anteproxecto de construción dunha ligazón completa na  Autovia A-52. E que, en xaneiro do 2019, ese anteproxecto aínda tiña pendente a licitación do correspondente contrato de servizos para a súa redacción.

    Os alcaldes dos cinco concellos explican que a conexión coa autovía A-52 é imprescindible para o desenvolvemento económico da zona e acurtarían o tempo de conexión coa capital do Estado e co AVE, circunstancias relevantes para o fomento do sector comercial, empresarial e turismo.

    “A construción dun enlace en Lentille non só facilitaría as relacións económicas e sociais con cidades de Castela, de Ourense ou con Madrid, fortalecería tamén a relación co concello veciño de A Cañiza co que a veciñanza tradicionalmente xa mantiña relación comerciais e de servizos”, explica o alcalde Pablo Castillo.

    O enlace coa A-52 sentido Madrid permitiría un mellor posicionamento da comarca a nivel empresarial e optimizaría o uso dos distintos servizos que ofrecen os concellos.

    COLABORACIÓNS

    ¡El mago de la electrónica, ha muerto!

    El personaje de la portada, es probable que a muchos lectores no le suene, quizás algunos al ver los cachibaches que está utilizando, se puedan hacer una pequeña idea, pero los seguidores de la música electrónica clásica y el Krautrock, seguro que si lo conocen perfectamente. Estamos hablando del mago de la electrónica, uno de esos pioneros que elevaron este estilo musical y la forma de hacer música al grado de celestial. Esta semana nos ha dejado el gran e inigualable, Klaus Schulze.

    Ledicia Costas, «O neno de lume»

    Ledicia Costas ten unha imaxinación poderosa e unha rara habilidade para a construción do que poderiamos chamar «relato marabilloso», ese que mistura realidade e fantasía, no que conviven persoas do común con seres sobrenaturais dotados de habilidades especiais.

    Mamá

    Cuatro letras de una de las palabras que primero aprendemos, que más pronunciamos a lo largo de nuestra vida y que más seguridad nos transmite.

    Brillante papel do CN Ponteareas nos campionatos de España de Torremolinos

    Torremolinos, en Málaga, foi a sede do XXII campionato de España “Open” Absoluto–XXXVIII Campionato de España júnior, que se disputou en piscina de 50 metros do 9 ao 13 de abril. O evento congregaba aos principais nadadores e nadadoras nacionais e foi retransmitido en directo pola canle Teledeporte.

    Colaboradores

    Alberto Aliaga Sola
    19 POSTS0 COMMENTS
    Bea Sanfa
    12 POSTS0 COMMENTS
    Manrique Fernández
    63 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS