test
11.8 C
Pontevedra
Martes, 28 de Maio de 2024
Máis
    HomeA ParadantaCoveloCovelo mellorará a pista polideportiva e creará unha área de lecer en...

    Covelo mellorará a pista polideportiva e creará unha área de lecer en Paraños

    O Concello de Covelo saca a licitación a execución da mellora da pista polideportiva e a creación dunha área de lecer na contorna da Casa Cultural da parroquia de Paraños. Ante o deterioro da pista actual o Concello investirá 50.985,3 € na súa renovación e creará, tamén, un espazo público amable no que promover o encontro.

    O proxecto contempla a mellora da superficie da pista cun revestimento especial para usos deportivos e o pintado da mesma. Ademais, colocaranse equipamentos deportivos e tamén se renovará o peche exterior existente. Dentro dos traballos a realizar tamén está a poda das árbores e o encintado da actual bancada de pedra.

    Para o desfrute da veciñanza crearase unha área de lecer. O Concello procederá a acondicionar unha zona da contorna da casa cultural na que haberá mesas, bancos e mobiliario exterior de madeira.

    O Concello informa tamén que acaban de rematar as obras de mellora da pista deportiva de San Salvador de Prado e da súa contorna. Cun investimento de 40.464,64 € o Concello mellorou a pista existente, o parque infantil e a contorna deste espazo público de encontro veciñal.

    Ademais, o Concello procederá ao desbroce do perímetro da pista deportiva e parque infantil de Pazos, logo de rematar as obras de renovación que tiveron un custo de 44.969,76 € e que xa está dispoñible para o uso de todas as persoas.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.