8.5 C
Pontevedra
Venres, 29 de Marzo de 2024
Máis
    HomeA ParadantaCoveloCovelo investíu 35.000€ na mellora das instalacións do campo de fútbol e...

    Covelo investíu 35.000€ na mellora das instalacións do campo de fútbol e da cantina

    A directiva do club de fútbol conta xa cunha oficina, un almacén para enseres de mantemento do campo e un aseo

    O goberno de Covelo realizou obras de mellora nas instalacións do campo de fútbol municipal e da cantina por valor de 34.999,99€. As obras foron financiadas co apoio da Secretaría Xeral para o Deporte da Xunta de Galicia e permitiron a instalación de tres módulos prefabricados para uso da directiva e do persoal de mantemento do campo e o acondicionamento da cantina do campo de fútbol ubicada no Campo da Feira.

    Por un lado o Concello procedeu á construción dun edificio de servizos composto por tres módulos prefabricados para suplir a carencia dun espazo de reunións para a directiva que agora poderá contar cunha oficina, un almacén para enseres de mantemento do campo e un aseo. Esta infraestrutura de preto de 40 metros cadrados ubícase nunha parcela municipal anexa ao terreo de xogo que xa contaba con saneamento, abastecemento de auga e rego, rede de electricidade e alumeamento público.

    Desta forma, obtéñense edificios modulares cun alto nivel de confort, grazas aos seus niveis de illamento, e totalmente desmontables e trasladables. Este novo edificio conta con conexión á rede eléctrica, conexión á rede de abastecemento de auga e tamén á rede de saneamento.

    Por outra banda, o Concello acometeu obras de acondicinoamento do interior da cantina do campo de fútbol que da uso e servizo ao público xeral tanto os días de partido como o día da Festa do Churrasco no día de Santiago Apóstolo. As obras permitiron a instalación dun falso teito desmontable, o pintado de todo o interior e a substitución das luminarias existentes por oito luminarias de tipo panel LED.

    O alcalde Pablo Castillo explica que esta era unha demanda tanto dos e das usuarias do campo de fútbol como da directiva do club de fútbol que agora contará cun espazo cómodo e propio no que desenvolver pequenas reunións, gardar arquivos ou almacenar repostos derivados desta actividade deportiva. A elección dos materiais tanto da estrutura como do alumeamento perseguen o aforro enerxético e unha diminución das emisións de CO2 dando un paso máis na consecución dos ODS e das directrices do Pacto das Alcaldías (PACES).

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.